Salmo 57:4-11

⁴Linmilikob di kalaban ko ay kaman dan layon ay nakasagana ay omokmon. Kaman gayang ya pana di bab-a da, kaman kampilan di dila da.

⁵Apo, din kinangatom ya panakabalin mo et ipailam koma sin am-in ay soli ed langit ya isnan daga.

⁶Inmisagana das tagdey din kalaban ko et palalo ay nadagsenan di nemnem ko. Sin pandanak nankaot das bito, ngem din nag-as et daida met laeng ay kalaban ko.

⁷Apo, napodnoak en sik-a et mankantaak ay mangidayaw en sik-a.

⁸Bomangonak ay masapa ta tokarek din gitara ya arpa.

⁹Sin sangoanan di kaipoipogaw, man-iyamanak en sik-a, mankantaak ay mangidayaw en sik-a.

¹⁰Kaman din kakayang di ed daya, Apo, din adi manbalbaliw ay layad mo, din kinamatalek mo yan edasana din liboo.

¹¹Apo, din kinangatom ya panakabalin mo et ipailam koma sin am-in ay soli ed langit ya isnan daga.