SAAMUNƆ 51:3-17

³Má a taarinↄ dↄ̃ sa, ma durun ègↄ̃ sãamaguro.

⁴Ḿbe ma durun kɛ̀nnɛ, ma yã kɛ̀ ń yeziroo kɛ̀. Tó n yã ò, n yã égↄ̃ zɛ́ vĩ, tó n yãkpaɛ kɛ̀mao, n yã égↄ̃ nna.

⁵Zaa ma da nↄ̀sɛn má zaa, má durun vĩ zaa ma igurↄmɛ.

⁶Nↄ̀sɛ maaa bé è kánnɛ, ǹ ↄ̃ndↄ̃ↄ damɛ ma swɛ̃̀ guu.

⁷Ǹ ma zú o kↄ̃n saboo lɛ mà zɛ̃ wásawasa, ǹ ma nↄ̀sɛ pípimɛ lɛ mà gↄ̃ pú fénfen.

⁸Ǹ tó mà pↄnnaa kɛ kↄ̃n yáadↄnao, ǹ tó ma wá kɛ̀ ń bùsanↄ were.

⁹Ǹton ma durunnↄ yã daro, ǹ ma yã zaaanↄ bↄ ǹ zĩnna píngi.

¹⁰Luda, ǹ nↄ̀sɛpuraa damɛ, ǹ ɛara ǹ tó ma làakari gↄ̃ kpaɛna.

¹¹Ǹton ma zĩnnaro, ǹton n Ninii símaro.

¹²Ǹ ɛara ǹ tó ma pↄↄ kɛ nna kɛ̀ n ma mì sì yãnzi. Ǹ ma ninii gbaa màgↄ̃ n yã maa

¹³mɛ́ gbasa mà n yã dada zaakɛrinↄnɛ, durunkɛrinↄ é ɛara wà aɛ dↄmma.

¹⁴Ǹ ma bↄ gbɛ̃dɛna yãn, Luda, Luda ma mìsiri, mɛ́ lɛ̀ sí n yãkɛna a zɛ́a musu.

¹⁵Dii, ǹ ma gba lɛ́ mà n sáabu kpá.

¹⁶Sa'ona è kɛnnɛ nnaro, tó lɛnlo lɛ má ò. Sa'opↄ kɛ̀ wè ká tɛ́n à tɛ́ kũ è kánnɛro.

¹⁷Saa kɛ̀ mɛ́ɛ oommaan ma nↄ̀sɛyĩi ũ, nɛɛ̀ kya ká wɛ̃ndade sùudeenlo.