Tingtoeng 51:3-17

³Kamah kah boekoek te kamah loh ka ming tih ka tholhnah loh kamah hmaiah om taitu.

⁴Nang namah bueng taengah ka tholh tih na mikhmuh ah boethae ka saii. Tedae na thui vaengah nan tang sak tih nan cawh vaengah nan cim sak.

⁵Thaesainah neh ka thang tih tholhnah neh a nu loh kai n'yom.

⁶Kodang khuikah oltak te na ngaih dongah cueihnah na kael neh kai nan tuk nan kil.

⁷Pumpiding neh kai nan cil daengah ni ka caihcil eh. Kai nan silh daengah ni vuelsong lakah ka bok eh.

⁸Omngaihnah neh kohoenah te kai nan yaak sak dongah na khaem tangtae rhuhrhong long khaw omngaih uh saeh.

⁹Ka tholhnah dongah na maelhmai thuh mai lamtah ka thaesainah boeih he han huih lah.

¹⁰Pathen aw kai ham aka caih lungbuei han suen lamtah ka khui kah mueihla he cikngae la pan han tlaih lah.

¹¹Kai he namah mikhmuh lamkah m'voei boel lamtah kai taengkah Mueihla Cim lo boel mai.

¹²Na daemnah, omngaihnah te kai taengah ha mael lamtah, moeihoeihnah mueihla loh kai n'talong saeh.

¹³Boekoek rhoek te na khosing ka cang puei vetih hlangtholh rhoek loh nang taengla ha bal uh bitni.

¹⁴Pathen, ka loeihnah Pathen hlang thii lamkah kai n'huul lah. Nang kah duengnah te ka lai loh tamhoe puei saeh.

¹⁵Ka Boeipa aw, ka hmui he han ong lamtah ka ka loh nang koehnah te doek saeh.

¹⁶Hmueih he na ngaih pawt dongah ni na ngaih koinih kam paek mai sue. Hmueihhlutnah khaw na doe moenih.

¹⁷Pathen kah a ngaih hmueih tah mueihla aka paeng ke ni. Lungbuei aka paeng tih aka paep te Pathen nang loh na hnawt moenih.