Psalms 92:8-15

⁸Bare O Yawe, ni keta kalel biya nunguningkiri, ni pempem bagasam.

⁹Nunguningta nunguning, kari ni kerak barimasan mu mena namamonko; memek bitawara ko kariimet mu parasa namamonko.

¹⁰Bare ni sokel aisem se aninga asokel mu buffalo diwang ko sokel iwita; ni amilmil ningo wore aisem se ani amilmilasam.

¹¹Ani amotam te aga kager kari memek alo ikup yaman giman se nungarkem; ale adogowa te niaman se nunga niara ikiem.

¹²Kariimet ningo diram bagara mu tam ningo naur iwita aragamon, ale Lebanon ko tam aora sida mu iwita tarigimonko.

¹³Nuna Yawe ko kawam ningi tam ningo iwita araga se nunguning yawara kapa se lagamonko.

¹⁴Nuna garukamon ta wore yam nunguning kapa se lagamonko; nuna tam iru, nunguning duap beteram ale kaposo iwita, sokel karogo la baga se,

¹⁵ni ko ko iwita balmon, “Yawe ningo diram la baga lagoso; nu anananga manga gek am, se memek bo ta noko ningi me aniso,” ma balmonko.