YƐSÃÃ 92:8-15

⁸Bɛyɛibɛ ɔ̃ nkótírí timútì kɔ̃mɛ mmɛ, kɛ̀ mɛyɛi ndɔɔ̀rìbɛ̀ bitírí, kɛ̀ mukṹṹ nsɑ̃́ɑ̃̀ nɛ́ bɛ̀ bɑ̀ɑ kumɑ̀nku.

⁹N Yiɛ̀ nKuyie fɔ̃́ mmɛ mbo kɛĩ́nkɛ̀ nkɛ sɑ̃́ɑ̃̀.

¹⁰Ti Yiɛ̀ nKuyie ntɛ ɑ dootitɔbɛ̀ kɛ kɔ̃, mɛyɛi ndɔɔ̀rìbɛ̀ bɛmɔu cíɛ́rìmu.

¹¹Fɔ̃́ɔ̃̀ n duɔ́ mmupɑɑnɑ̀ɑ̀wɛ̃rímú, kɛ n wɑɑrɛ mɛkɔpɑ̀mmɛ̀.

¹²N wúómmu n dootitɔbɛ̀ dɔɔri dɛ̀ bɑ́ n yí yĩɛ̃̀kù, kɛ yo bɛ̀ɛ̀ n dɔ́nɛ̀ mɛyɛi bɛ kó ihúu kɛ̀ dɛ̀ í n kɔɔ́nnɛ̀.

¹³Wèè dɔ̀ɔ̀ri Kuyie ndɔ́mɛ̀ ò dònnɛ̀ mupuommu mmu mùù ɔ̃ nsɛnti, kɛ dònnɛ̀ Dimɑɑ kó dɛtediɛrɛ̀ bɛ̀ tu dɛ̀ sɛ́tìrì dɛ̀ɛ̀ kòtírí mɛdiɛ̀,

¹⁴dɛ̀ɛ̀ fìíkú Kuyie ncĩ́ɛ̃̀tɛ̀ miɛkɛ, kɛ sɛ̀ńtɛ̀ kɛ yɛ̀nní tɛ dɑ̀nkù.

¹⁵Dɛ kó dɛtie nhɔ̃ mpɛímu bɑ́ kɛ̀ dɛ̀ kòtɛ́, dɛ̀ nkpɑɑ́ píɛ́kɛ́ mɛsɛ̀mmɛ̀ kɛ bitírí.