Psalms 6:1-6

¹(David ko wur) O Yawe, ani ago ko gemang magaruk se me aga biriruwurko; ka gemang magara te memek te me aga bitarko.

²Ani angimik sokel mena kaparam; se ago ko neman bataguk se gemang aisuko; angimik sokel yaman iki se aniso, se ni sokel iru aisuko.

³Ani angamang tuagu ikup biya; se ni tom amaru te aninga sangaruko?

⁴O Yawe, tair ale aga sangaruko; gemang aisu ale kuera lage te bagasam mu aga sangaruko.

⁵Ni ikisam, kariimet kuera mu nika nip biya ko balmonko me terong; se kuera iwiwara ko kuwim te mu awiri nika nip patawurukko terong? Mena.

⁶Ani niara te angimik sokel mena saparam; tirom suen biya aninga amononge kapa lagoso, se aninga anira kuwim pupurut pagoso.