A Umana Kakailai 6:1-6

¹Kai nina i lue ra kakailai, ta ra pagol; a tiun Seminit; a kakailai kai David. Luluai, koko una pit iau ta kaum kankan, Ma koko una vapagumanene iau ta kaum ngala na kulot.

²Luluai, una mari iau, tago iau tar bilua; Luluai, una valagar pa iau, tago ra urugu i purpuruan.

³Damana ra balagu i purpuruan; Ma u Luluai, aivia ra bung boko?

⁴Una lilikun, Luluai, una valangalanga iau, Una valaun iau ta kaum varmari.

⁵Tago ba di mat pa di nuk pa mule u, Ma ta ra ruarua na tulungen ia na pite pa mule u?

⁶Iau tar talanguan ma kaugu oir; A lavur marum i polo ko kaugu vava; Iau pukpuk kaugu molamolo ma ra lur na matagu.