Psalms 20:3-9

³Nu ni tama bita nu tuata mu nu ko kuamin ares maukko; nika tama suen la mu nu gomang tuokko.

⁴Nu mel suen la ni ko kuesam mu yam kisokko; ale ni ura bitarko ko ikia towasam mu ka sanguk se ningo la bitarko.

⁵Buta se tom ni kager menawur ale marirer mu, ana ni marirerem mu ko amilmilanak ale nanga Kaem ko nup patawunakko. Anananga nangamang mu Yawe nika guranek suen la iki karo kisokko.

⁶Aitak ani ko ikiem, Yawe nu kota king baongam mu sangarso; nu ko sor laili duruk wonong te baga se noko ngatangara ikiso; noko sokel te nu sangarso se nu kager suen la te mariroso.

⁷Sor saki nunga kager ko mel, karis se horse suen biya, mu te ira sanamasan; bare ana mu Yawe anananga Kaem mu te ira sanamasan.

⁸Se nuna mu sanami turutuwumon ale dagulamonko; bare ana mu mariranak ale sail karogo sanamanakko.

⁹O Yawe, ni king sangaru se nu marirarukko! Tom ana nika arunak mu ni anananga sangaruko!