Kölfel 20:3-9

³Amwo epwe etiwa om kewe asor meinisin o pwapwaäsini om kewe asoren kek.

⁴Amwo Kot epwe ngonuk mochenin letipom o apwönüetä om kewe ekiek meinisin.

⁵Mürin sipwe mweir fän pwapwa ren om win, sipwe pwal aürätä ach filaik fän iten ach Kot. Amwo ewe Samol mi Lapalap epwe apwönüetä om kewe tüngor meinisin.

⁶Iei üa silei pwe ewe Samol mi Lapalap a alisi nöün we king mi kepit, a pälüeni an tüngor seni an we läng mi pin o awinna ren win mi lapalap ren an manaman.

⁷Ekoch aramas ra anomu ar apilükülük won war wokenin maun, ekoch ra anomu won nöür oris, nge kich sia anomu ach apilükülük won manamanen ewe Samol mi Lapalap ach we Kot.

⁸Ir repwe mwaroro o turula, nge kich sipwe ütä o üwenewenetä.

⁹Äm Samol mi Lapalap, kopwe awinna ewe king, kopwe pälüenikem, lupwen aia kökköruk.