Psalms 146:1-6

¹Ani Yawe nup patawurikko! Ani angamang motam lilim la te nup patawurikko.

²Aninga bagara tom lilim la te Yawe nup patawurikko; aninga amotam loagawara ko tom imi lilim la te, Kaem ko wur ilu se nup patawu se lagarikko.

³Nina ali imi ko kari supuling nongote me ira sanamaralko; ali kari bo ta me ninga sangukko.

⁴Mu awuk, tom nuna nodora arataso, mu nuna nungumik guang ali ningi namoso; ale nunga ikia betemonko den nungurman mu mena namoso.

⁵Bare kariimet Jacob ko Kaem mu nunga saonga bagoso, mu amilmilamonko; nuna Yawe, nononga Kaem, mu kote la loaga lagasan.

⁶Nu taiti se ali, se gagi se mel suen la nunga ningi nungam, ale tom suen biya ko kiwol umu diram la iki karo tui lagoso.