YƐSÃÃ 146:1-6

¹Nsɑ̃ntínɛ̀ ti Yiɛ̀ nKuyie! N yó nsɑ̃ntímu n Yiɛ̀ nKuyie.

²N yó nsɑ̃ntímu n Yiɛ̀ nKuyie n fòmmu mumɔu, n fòmmu mumɔu n yó ndièmmu kɛ kù sɑ̃ntí.

³Di bɑ́ɑ́ duɔ́ ndimɑ́ɑ̀ kutenkù kó bɛkpɑ̀ɑ̀tìbɛ̀, bɛnìtìbɛ̀ mbɛ bɛ̀ bɑ́ɑ́ nɑ kɛ́ di dɛɛtɛ́.

⁴Kòò nìtì wemmu kũ̀ńtɛ́, ò tɑ kɛtenkɛ̀ nkɛ, kòò do wúó ntìi deè dɛ yiè.

⁵Dɛ̀ nnɑɑti onìtì wèè ĩkú Kuyie nSɑkɔbu do tũ nkù ĩ́nkɛ̀, wèè kèḿmú ti Yiɛ̀ nKuyie nhò tũ̀ nkù.

⁶Kuù dɔ̀ɔ̀ kɛĩ́nkɛ̀ nɛ̀ kɛtenkɛ̀, dɑ̀mɛ́ɛ̀rì nɛ̀ dɛ̀ɛ̀ kó dimɑ̀ɑ̀ bo o miɛkɛ kuù pĩ ntimɔ́mmɔnti sɑ̃́ɑ̃̀.