Psalms 143:2-9

²Ni aninga munan me tuatir ilupko, mu awuk, kariimet bo ta diram nika metam te me bagoso.

³Kari ani agarak bitawara mu aga iluwam ale aga menawu ali karogo aga beteram; ale tiromorom ningi aga saparam se kariimet kua namakoyam iwita bagasam.

⁴Buta se aninga adera angimik sokel menaram, ale angamang motam ningi yukuwa saparam.

⁵Ani ulengkala, tom namaram wore ko angamin tugusam; ani nika ura suen la wore ko iki gurugu lagasam, ale nika kiting kiwol suen la nungem mu ko, ari ikisam.

⁶Ani guranek te agiting kanusam ale ni kete niasam; ali marakam ale yu ko tukunangaso iwita, ani ni ko ko niawasam.

⁷O Yawe, tairate agiring ilupko; aninga adera angimik sail menaram. Ni kema motam ani ago ko me kaluwurko; buta bitar mu ani kua iwi namara iwita bagarikko.

⁸Turomola pempem nika kua ani aisa, kumik menara mena mu, aga kasuruko, mu awuk, ani ni kete la loaga lagasam. Ani aguwaya namarikko wore, ko lage aga kasuruko, mu awuk, aninga adera angimik mu ni kete la sokel taso.

⁹O Yawe, aninga kager kari alo nuguting te aga bataguru toko, ale ni keta aninga karem iwita aga kaluwurko.