2ܘܠܵܐ ܡܲܥܒܸܪܸܬ ܠܹܗ ܪܹܓܘܼܟ݂ ܠܕܝܵܢܬܵܐ، ܣܵܒܵܒ ܠܹܐ ܝܠܹܗ ܙܲܕܝܼܩܵܐ ܩܲܕܡܘܼܟ݂ ܟܠܔ ܐܢܵܫܵܐ ܚܵܝܵܐ.
3ܒܗ̇ܝ ܕܢܦܝܼܠܔ ܠܹܗ ܕܸܫ̃ܡܸܢ ܒܵܬܪ ܓܵܢܝܼ، ܛܒ݂ܝܼܚ ܠܹܗ ܠܐܲܪܥܵܐ ܚܲܝܝܼ̈، ܩܵܡ ܡܲܬܸܒ݂ ܠܝܼ ܒܕܘܼܟܵܢܹ̈ܐ ܚܸܫܟܵܢܹ̈ܐ ܐܲܝܟ݂ ܡܝܼ̈ܬܹܐ ܕܠܥܵܠܲܡ.
4ܘܕܘܼܪܕܸܫ̃ܬܵܐ ܝܠܵܗ̇ ܒܓܵܘܝܼ ܪܘܼܚܝܼ، ܒܓܵܘܝܼ ܫܓ݂ܝܼܫܵܐ ܝܠܹܗ ܠܸܒܝܼ.
5ܕܟ݂ܝܼܪܝܼ ܠܝܵܘܡܵܢܹ̈ܐ ܩܲܕܝܼܡܵܝܹ̈ܐ، ܗܘܼܓܹܐ ܠܝܼ ܒܘܼܬ ܟܠܵܝܗܝ ܦܘܼܠܚܵܢܘܼ̈ܟ݂، ܒܘܼܬ ܥܒ݂ܵܕܹ̈ܐ ܕܐܝܼܕܵܬܘܼ̈ܟ݂ ܬܘܼܚܡܸܢܝܼ.
6ܦܘܼܫܸܛ ܠܝܼ ܐܝܼܕܵܬܝܼ̈ ܠܟܸܣܠܘܼܟ݂، ܓܵܢܝܼ ܨܗܝܼܬܵܐ ܝܠܵܗ̇ ܐܸܠܘܼܟ݂ ܐܲܝܟ݂ ܐܲܪܥܵܐ ܒܪܝܼܙܬܵܐ. ܣܹܠܵܗ
7ܡܲܠܝܸܙ ܓ̰ܲܘܸܒ ܠܝܼ، ܝܵܐ ܡܵܪܝܵܐ، ܬܝܼܡ ܠܵܗ̇ ܪܘܼܚܝܼ، ܠܵܐ ܛܲܫܹܝܬ ܦܵܬܘܼܟ݂ ܡܸܢܝܼ، ܐܸܠܵܐ ܒܸܬ ܗܵܘܹܝܢ ܕܘܼܡܝܵܐ ܠܨܵܠܝܵܢܹ̈ܐ ܕܓܘܼܒܵܐ.
8ܡܲܫܡܸܥ ܠܝܼ ܒܨܲܦܪܵܐ ܛܲܝܒܘܼܬܘܼܟ݂، ܣܵܒܵܒ ܒܝܼܘܼܟ݂ ܦܝܼܫ ܠܝܼ ܒܣܲܒ݂ܪܵܐ، ܡܲܕܸܥ ܠܝܼ ܐܘܼܪܚܵܐ ܕܐܵܙܹܠ݇ܢ، ܒܗ̇ܝ ܕܐܸܠܘܼܟ݂ ܡܘܼܪܡܵܐ ܠܝܼ ܓܵܢܝܼ.
9ܦܲܨܝܼ ܠܝܼ ܡ̣ܢ ܕܸܫ̃ܡܸܢܝܼ̈، ܝܵܐ ܡܵܪܝܵܐ، ܠܟܸܣܠܘܼܟ݂ ܛܘܼܫܝܘܼܗ̇ ܝܘܸܢ ܓܵܢܝܼ.
ܡܙܡܘܪ̈ܐ 143
ܡܙܡܘܪ̈ܐ 143:2-9