Psalms 132:10-16

¹⁰Nika ura kari David ko kamin ares mauk se nika kari marak sokel tuem mu me ari daleluwurko.

¹¹Yawe David ilak den bo kaolam, se den mu aora biya aniso se nu me maguwurokko. Se den mu iwita: “Ani nika gue te bo bitirik se nika kiwim te king ko bagarukko.

¹²Ikiko. Nika kuriang gue aninga den kalem mu karo tumon, ale aninga munan nunga kausem mu karo tumon, mu nononga gue te pempem butata king ko baga lagamonko.”

¹³Nunguningta, Yawe nu Zion atumukiram, se mu noko wonong ko aratam.

¹⁴Nu balam, “Imi aninga wonong pempem la anirukko,” mam. “Ani imi te daigek ale baga se kariimet nunga bituekko, mu awuk, ani angamang tuem.

¹⁵Ani Zion na inang mel suen la mu waru tuek se udagi me ko tatopurukko; ani ko kariimet nungumik mel mena mu na inang nungarikko.

¹⁶Ani noko priest alo mu kariimet te nunga gia ko marak sokel mu nungarikko, se noko kariimet amilmil wur ilumonko.