Psalmaro 38:2-8

²Ĉar Viaj sagoj penetris en min, Kaj pezas sur mi Via mano.

³Ekzistas neniu sana loko en mia korpo pro Via kolero, Nenio sendifekta ekzistas en miaj ostoj pro mia peko.

⁴Ĉar miaj krimoj superas mian kapon; Kiel peza ŝarĝo, ili estas tro pezaj por mi.

⁵Malbonodoras kaj pusas miaj ulceroj Pro mia malsaĝeco.

⁶Mi kurbiĝis kaj kliniĝis treege, La tutan tagon mi iras malgaja.

⁷Ĉar miaj internaĵoj estas plenaj de brulumo, Kaj ne ekzistas sana loko en mia korpo.

⁸Mi tute senfortiĝis kaj kadukiĝis, Mi kriegas pro malkvieteco de mia koro.