Psalmaro 135:4-11

⁴Ĉar Jakobon la Eternulo elektis al Si, Izraelon kiel Sian trezoron.

⁵Ĉar mi scias, ke la Eternulo estas granda Kaj ke nia Sinjoro estas super ĉiuj dioj.

⁶Ĉion, kion la Eternulo deziras, Li faras, En la ĉielo kaj sur la tero, sur la maroj kaj en ĉiuj abismoj.

⁷Li levas la nubojn de la randoj de la tero, Li aperigas fulmojn en la pluvo, Li elirigas la venton el Siaj provizejoj.

⁸Li batis la unuenaskitojn en Egiptujo, De homo ĝis bruto.

⁹Li aperigis signojn kaj miraklojn interne de vi, ho Egiptujo, Super Faraono kaj ĉiuj liaj sklavoj.

¹⁰Li batis multajn popolojn, Kaj mortigis potencajn reĝojn:

¹¹Siĥonon, reĝon de la Amoridoj, Kaj Ogon, reĝon de Baŝan, Kaj ĉiujn regnojn Kanaanajn.