Mboe 135:4-11

⁴Pa Yooba itunu ta ipeikat Yakop, mi ikami ma iwe lene. Tana ni ire iti Israel kembei koroŋ kini ŋonoono, mi leleene piti ilip.

⁵Nio aŋute kat ta kembei: Yooba, ni ta biibi ŋonoono. Merere kiti ilip kat pa merere ta boozomen.

⁶Sombe Yooba leleene iur be ikam mbulu sa isu saamba, som toono, som tai, som mozo lukutuunu, na ikam men. Pa koroŋ sa irao be ipakaali na som.

⁷Ni ta ikamam ma miiri tieene indoundou ma izze pa lele uunu. Mi iŋgoŋgo yaŋ, mi ikamam ma lolo iwenweene zin koroŋ. Mi ikakaaga kataama pa ruumu kini ta miiri imbotmbot lela na, be iyooto mi iloondo ma irao toono.

⁸Muŋgu, ni ikasgeege zin pikin muŋgamuŋga mi mbili muŋgamuŋga kizin Aikuptu ma timap lup.

⁹Mi ikam mos mi uraata bibip isu Aikuptu, bekena iseeze king kizin ziŋan mbesooŋo kini ta boozomen matan.

¹⁰Ni ta ikasgeege zin karkari boozomen, mi ipun zin king mburanŋan ma timetmeete.

¹¹Ipun Sihon ta king kizin Amor na, Og ta king ki Basan na, mi king ta boozomen ki toono Kanaan.