Eksodas 22

1

2

3

11

12

13

14

15

16

17

18

19

20

21

22

23

24

25

28

32

34

40

¹⁶Munak atouli tai mul koa reingeingen meatin veah ka meatin tovuol vating koe vahi onen, ka munak meatin tai run luvosi ka matil ral mini, kei hehul tata onen veni ka hekuri hehi onen ka hetetalihe suk hetali.

¹⁷Ka munak tata onen heseseini keke meatin enek vakuri, meatin enek hehul tata enek en mani koa hevinvin en mani koa avahul atouli koa reingeingen meatin veah eni.

¹⁸Isan matien min ahin koa hel houmon eimas.

¹⁹Isan matien min meatin koa hesak tisa en buluk ka sipsip hesuval meatin koa sak tisa en ahin.

²⁰Isan matien min meatin koa hesan sanien votut heha min ahi sav tai. Keil isan sanien votut minau nges, Iahova.

²¹Minapuruntei vuo minakarentei meatin koa rovitei horetan. Mihendem kati keke mulamu, kami mun mirvitei horetan en out Isip.

²²Minapuruntei vatina vuo timaru keil.

²³Ka munak misak purun keil, inau, Iahova, nilong tangien keil one ka nimai nikataun keil.

²⁴Nivuroh kat kami ka nuas kami mihematmat en rea keil. Nisakin ahin onami keil ihi vatina ka titiali onami keil ihi timaru.

²⁵Munak mimaen livere tai hekur hati mani ranuk, minoumontei nasuval meatin keil ten bangk, minahistei nasa kesi min kami natal titan.

²⁶Munak meatin kur tounah tai ran kami ka mihuli kat eisin omon hetokol avong koa hemai ris hehul lati; minahuli kattei eisin omon natokol meteiai nanu.

²⁷Mihesa kekerati mini veni mireingeingeni keke eisin koa netinek keke kei kav koe aven eni valikat anni. ?Asa suk keke kei hematil eni? Ka navong tangien onen hemai hetokol inau, nilonge ka nikatauni veni inau, nakur enmahisien en vati meatin keil koa mukonek.