Pakanemo 9

1

2

3

4

6

7

8

9

11

12

13

14

15

16

17

18

19

21

22

25

26

28

35

37

39

40

41

42

45

46

48

49

50

¹Maimaituwa Nowa bi natunatuna i kavisuvisudi bi i giuwedina gado, “Koi natuna dabalala bi dobu koi wanavu.

²Ḡamoḡamo doḡamo miyemiedi, daledaledi, mwanuwa bi iyana matabudi temi sa nailemi bi temi koi badaedi.

³Dolinemo kanigidava e vitemi. Bi niganana mwali miyemiyedi vaitedi ko kanidi.

⁴Mwali ḡemota, musala ma kwasinina, mote koma kani, ei ḡakemina banina kwasinemo yawasana ya kenakena.

⁵“Aiyai bi lava yai pekina ba kovoḡa ya vai, kota ḡamoḡamo lava yai pekina ba ḡamoḡamona sai peki.

⁶Maimaituwa lava i voiyedina ba kitedi mainana tana bi aiyai lava i lai pekina ba lava ḡesaudi kota tana sa laipeki. Banina Maimaituwa lava i voiyena kitana mainana tana.

⁷Bi temi koi natunatuna dobumo te natunatumi sai natuna dabalala bi dobu matabuna sai wanavu.”

⁸Bi Maimaituwa Nowa bi natunatuna i giuwedina gado,

⁹“Ei, koi beyavaiya, tagu egu waianina tam bi emi tubulelesa lisimimo yà voivoiye

¹⁰bi mwali yawayawasanidi matabudi, mwanuwa bi ḡamoḡamo vaitedi, gulamo kona potipoti yovona ba muliḡa sai natunatuna watana.

¹¹Tagu egu waianina yà voivoiyena lisimmo, te dobu bi mwali matabudi miyemiyedi dobumo mote yàmai avali munaḡedi.”

¹²Maimaituwa Nowa i giuwena gado, “Niga waianina matailina yà voivoiyena ya kena nonoḡa mododemo, tagu bi tam bi ḡamoḡamo yawayawasanidi vaitedi.

¹³Tagu giyoumo waliwaliyoyo yà sakona. Mba ya wai mataila te waianina lava bi bai matabudi dobumo lisidimo.

¹⁴Laḡannemo bi giyou yada i sumana ba waliwaliyoyo ya laumaḡata.

¹⁵Mba tagu egu waianina e voivoiyena lisimmo, yà noḡoti te mote bai laḡannemo ḡamoḡamo yawayawasanidi matabudi yàmai avali munaḡedi.”