Pakanemo 21

1

2

3

4

6

7

8

9

11

12

13

14

15

16

17

18

19

21

22

25

26

28

35

37

39

40

41

42

45

46

48

49

50

¹Niganana Bada Sela i sagu bi Eiblaḡam lisinemo bai i giugiuwapaena mainana i tubuḡa te gomana olotona i bewa.

²Laḡan kauwa i tava, te Maimaituwa bai i giugiuwena i tubuḡa bi tana i bwaga bi i wai bewa te Eiblaḡam natuna olotona i tubuḡa, ena magula laḡannemo.

³Sela i wai bewa bi mwanena gomana i wai isana Aisik.

⁴Aisik i tubuḡa laḡan wai 8-nemo tamana kwapibwali mataila i voiye natuna lisinemo, Maimaituwa i giugiuwena mainana.

⁵Eiblaḡam ena kwalabu 100 bi niga kauwina i tubuḡa.

⁸Kamaina bi gomana i didiga bi ena seda laḡannemo tamana Eiblaḡam soi dididiga i voiye.

⁹Laḡan ḡemota Idip waivinina Eiga natuna Ismael, Aisik vaitena a wai beyakulu. Tedi a wai beyakulu laḡannemo Ismael tana Aisik i sulasula waineḡa.

¹⁰Ḡome Sela mai i kitekitedi, tana Eiblaḡam i giuwena gado, “Niga taupaulana natuna vaitena kwa kwavidi sa nawa. Niga waivinina natuna mote ḡemoḡemotina te yaḡolo Aisik vaitena gagasim matabudi simai budeliyedi bi simai guyauyedi.”

¹¹Niga giuna Eiblaḡam i vaiye bi i wai nuwaboya banina tana natuna Ismael.

¹²Bi Maimaituwa Eiblaḡam i giuwena gado, “Mote niga taupaulina ma natuna kumai nuwaboyedi. Bi Sela ba i giu kauwa banina Aisik lisinaḡa kaka yaḡolo em dam ya didiga.

¹³Bi kota em taupaula Eiga natuna mainana yaḡolo dam ya kadidigi.”

¹⁴Laḡan i sako olaolalemo Eiblaḡam kani bi gauba kwagina wanawanavuna Eiga i wai avali bi i giukamaḡe. Ḡome Eiga i gosedi bi kalakalalelemo i nawa yabayababa Biyasibamo.