Pakanemo 14

1

2

3

4

6

7

8

9

11

12

13

14

15

16

17

18

19

21

22

25

26

28

35

37

39

40

41

42

45

46

48

49

50

¹¹Ḡalibona wapedi 4 edi tauwaiḡaviya vaitedi a tava Sodom bi Gomola malagaidimo bi lava edi pulapula, kediya bi kota Ablam madiyana Loti vaitena a pani bi a nawedi.

¹³Bi ḡome oloto ḡemota i soyavai te i velau Ablam lisinemo bi bai matabuna i tubutubuḡana i tainuwatau. Ablam tana Ḡibulu lavana bi Mamle ena kaipolu diyanemo i miyamiya. Bi Mamle tana Amoli lavana. Mamle tasitasina Eskol bi Ane, Ablam vaitena waianina a voiye, te sai kaisagu bi edi ḡaviya sai ḡaviyedi.

¹⁴Laḡannemo Ablam i vaiye te madiyana Loti a pani. Tana ena tauwaiḡaviya wapedi 318 i wai ḡemotidi ena ḡalavumo bi ḡalibona wapedi 4 a kwavi watedi te Den malagainemo a tavaitedi.

¹⁵Ḡome ena tauwaiḡaviya i dailidi edi dubuḡa bi dudubalemo edi ḡaviya a yovoḡedi bi a kwavidi a nawedi te Ḡobamo a tavaitedi. Ḡoba ba Damaskas kavalinemo,

¹⁶bi pulapula danedanenedina a tanodi bi kota Ablam madiyana Loti bi ena pulapula matabudi, vesavesala bi lava ḡesaudi vaitedi a munaḡedi.

¹⁸Melkisedek ba Salem edi ḡalibona bi tana kota Bada saḡasaḡa guletina ena pilisi, tana buledi bi waen i tano natomedi Ablam i vite.

¹⁹Bi tana Ablam i kavisuvisu bi i giuna gado, “Giukauwa te Bada saḡasaḡa guletina, mala bi dobu tauvoiyedi, kauwa visuvisudi i voiyedi lisimmo.

²⁰Giukauwa Bada saḡasaḡa guletina i sagum te em ḡaviya ḡalibona 4 kuna lauyovoḡedi, taunana aubaina te ta kasaḡesaḡe.” Bi waiḡasiḡasi mulinemo Ablam pulapula i tanodi bi dubu 10 i sivudi bi dubu ḡemota Melkisedek i vite.