Pakanemo 35

1

2

3

4

6

7

8

9

11

12

13

14

15

16

17

18

19

21

22

25

26

28

35

37

39

40

41

42

45

46

48

49

50

⁹Deikap Padan-Alan i gose kamaḡe bi i nawa Betelmo i tava munaḡa bi Maimaituwa tana lisinemo i laumaḡata bi i kavisuvisu.

¹⁰Bi Maimaituwa Deikap i giuwena gado, “Isam ba Deikap, niganana isam e vitale, sai isamna Islael mote Deikap.” Ḡome Maimaituwa Deikap i wai isana Islael.

¹¹Bi Maimaituwa i giuwena gado, “Tagu Maimaituwa wailewapana guletigu. Yà giugiuwem te kwai natunatuna bi ko wapa. Bi tam em tubulelesa sa wapa bi dam didiga bi kota ḡalibona kaka em tubulelesemo sa tubuḡa.

¹²Bi doḡa Eiblaḡam bi Aisik e vitevitedina, taunana tam yà vitem. Bi kota em tubulelesa vaitedi niga doḡana yà vitedi.”

¹³Kamaina bi Maimaituwa tana i gose kamaḡe bi i nawa.

¹⁴Bi Deikap bamo gabunemo Maimaituwa vaitena a waigiugiuna ḡome tana matila ḡakima i wai moito, kaka bi Maimaituwa ena puyo waen bi oela i ḡakimina dabanemo i ḡini.

¹⁵Maimaituwa bamo modomodonemo i giugiuyovo Deikap lisinemo mba gabuna i waiisana, “Betel.”

¹⁶Tedi Betel a gose bi a nawa te ḡotona maso Ifleitimo a tava bi etamo Leitsel gomana mayana i vai. Tana ḡome i waiaivitala gulata bi wainatuna lisinemo i pilipili.

¹⁷Tana yavi i laukauwe bi tauwaisupina diyanemo i giuwena gado, “Mote kuma naila bi gomana olotona ḡesauna kwa bewa.”

¹⁸Leitsel nuwana peki bi gomana olotona i bewa bi i wai isana Benoni. Bi yawasina i tauvunu bi i peki bi tamana i wai isana, Bendiman.

¹⁹Kamaina bi Leitsel Ifleit etana diyanemo a dobo, niganana dobuna sa wai isana Betliḡem.

²⁰Leitsel a dobo bi dabanemo Deikap mataila ḡakimina i wai moito bi niganana mainana ya moimoito. Deikap natunatuna ba matabudi 12:

²³Deikap natunatuna Liya bwaganemo a tubuḡana ba Lubin tana tautuweḡina, Simiyon, Livai, Diuda, Isaka bi Sebulon.

²⁴Bi Leitsel bwaganemo ba Diyousep bi Bendiman.

²⁵Bi Leitsel ena taupaula Bila natunatuna ba Den bi Neptali.

²⁶Bi Liya ena taupaula Silpa natunatuna ba labu, Ged bi Ase. Niga matabudi ba Deikap kaḡenemo a tubuḡa Padan-Alanmo bi Bendiman taunaḡa dobunemo i tubuḡa.

²⁷Deikap i nawa tamana Aisik lisinemo i tava Mamlemo, dobu Kiliat-Alaba mba taunana Ḡiblon. Mba ḡome dolinemo Eiblaḡam ma natuna Aisik tautavatava a miyamiya.

²⁸Bi Aisik i miyana ena kwalabu 180,

²⁹bi tana i magula kauwa bi i peki te ena magumagula pekipekidi vaitedi ai ḡemotidi. Bi natunatuna Iso bi Deikap a dobo.