Numbers 24:18-24

¹⁸Mee ga haga magedaa ono hagadaumee i lodo Edom, ga hai mee gi tenua digaula. Israel ga noho hua beelaa i dono maaloo.

¹⁹Teenua go Israel la gaa beehi digaula gi lala, ga haga mmaa gi daha digau huogodoo ala e mouli i golo.”

²⁰I lodo dana moe deelaa, gei Balaam guu mmada labelaa gi digau Amalek, geia ga helekai aga labelaa nnelekai kokohp aanei: “Teenua go Amalek la nogo kaedahi maaloo i mehanga nnenua huogodoo, malaa, di hagaodi gi muli digaula ga hagahuaidu gaa hana hua beelaa.”

²¹I lodo dana moe deelaa, gei Balaam guu mmada labelaa gi digau Kenite, geia ga helekai aga nnelekai kokohp aanei: “Di gowaa dela e noho ai goodou le e mau dangihi ge humalia, gadoo be di waehongo manu mamaangi i hongo tadugalaa nnoonua.

²²Goodou digau Kenite, goodou ga hagahuaidu i di madagoaa digau Assyria ma ga haga magedaa goodou.”

²³Balaam ga helekai aga labelaa nnelekai kokohp aanei: “Goodou koai ala e dagabuli i bahi i ngeia?

²⁴Di buini gau dauwa ga lloomoi mai Cyprus, ga haga magedaa Assyria mo Eber, nomuli gei digaula hogi ga hagahuaidu, gaa hana hua beelaa.”