Nabasi 24:18-24

¹⁸Ro fure e ani fuone aesakae Idomikiro Sia karivo ije kania areme aesakae buone ije abeke. Fu ijiege rega e Isureroko ije buka maza boeje ijiege e daroki rena kari vake.

¹⁹Ro e Jekafudo uifari ijia E Ireobo be fu Kini rega fure e nugune bu uria sidove Ireobo ijia kariva ije ka uinitu furikono kuae.

²⁰Areme Berame fune una kuke e Amarakaetiko ije giana buesina vua ijiege kuae. Fu kuae, E aesakae boegeigia karinoeva ijiebuo uve ijia e Amaraetiko ije buka ma e daroki rove rade e ije buka bakirekono kuae.

²¹Berame fu vua ijiege kuae areme una dakude e Kenaetiko ije giana vua ijiege kuae. Fu kuae, Jaeje jaka ume buruome ige fu nafare kabo munuage ado ijia are fuone saema ijiege jaeje jaka are ma daroki ijia mukoreigia kari.

²²Rove rade bu e Asiriako ijiebe e jone ije kaenamiana va dibure unia areme rade bu ja kaniana uinitu furikono kuae.

²³Areme Berame fu kuke kuae, Godi fu ijiege rekuma fu e be erare uria una ijia fivakuma baki.

²⁴Ro e Saefurasiko ije bu sisime kena ro e Asiriako ijiakiro e Ebako ijena bijaekuva buka bure iraraena kania furike. Rove rade e Saefurasiko ije budua buka ebe kaniaga bu oe furikono kuae.