Numbers 1

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Tahi laangi i di lua malama o di lua ngadau i muli di hagatanga digau Israel i Egypt, Dimaadua ga helekai gi Moses i lodo di Hale laa dela e noho iei Mee i lodo di anggowaa Sinai. Mee ga helekai,

²“Goe mo Aaron gaa dau nia daangada o nia madahaanau llauehe mo lligi o digau Israel. Hihia nia ingoo o nia daane huogodoo

³ala e dagi madalua nadau ngadau be e mada mmaadua, ala e mee di hai digau dauwa.

⁴Helekai gi nia dagi dagi dahi mai nia madahaanau gi hagamaamaa goolua.”

⁵Aanei nia daane e dagi nadau madawaawa ala gu hilihili e hai di moomee deenei: Nia madawaawa Nia dagi madahaanau Reuben Elizur tama daane a Shedeur Simeon Shelumiel tama daane a Zurishaddai Judah Nahshon tama daane a Amminadab Issachar Nethanel tama daane a Zuar Zebulun Eliab tama daane a Helon Ephraim Elishama tama daane a Ammihud Manasseh Gamaliel tama daane a Pedahzur Benjamin Abidan tama daane a Gideoni Dan Ahiezer tama daane a Ammishaddai Asher Pagiel tama daane a Ochran Gad Eliasaph tama daane a Deuel Naphtali Ahira tama daane a Enan

¹⁷Mai nia hagamaamaa o nia daane madangaholu maa lua aanei, Moses mo Aaron

¹⁸gu haga dagabuli digau Israel huogodoo i di laangi matagidagi o di lua malama, gaa hihi nia ingoo o nia daangada huogodoo o nia madahaanau llauehe mo lligi. Nia ingoo o nia daane huogodoo, dagi madalua nadau ngadau be mada mmaadua, la guu hihi,

¹⁹gii hai be telekai Dimaadua. Moses guu hihi nia daangada i lodo di anggowaa o Sinai.

²⁰Nia daane e madalua be e mada mmaadua ala e mee di hai digau dauwa la guu hihi nadau ingoo e hagatau gi nadau madahaanau llauehe mo nadau madahaanau lligi, daamada gi di madawaawa Reuben, tama daane madua Jacob. Aanei ono hulu dangada: Nia madawaawa Nia hulu Reuben 46,500 Simeon 59,300 Gad 45,650 Judah 74,600 Issachar 54,400 Zebulun 57,400 Ephraim 40,500 Manasseh 32,200 Benjamin 35,400 Dan 62,700 Asher 41,500 Naphtali 53,400 Huogodoo: 603,550

⁴⁷Digau Levi digi hihia dalia nia madawaawa ala i golo,

⁴⁸idimaa Dimaadua gu helekai gi Moses,

⁴⁹“Goe ma gaa hihi nia daane ala e mee di hai digau dauwa, hudee heia di madawaawa Levi gii dau dalia digaula.

⁵⁰Heia digau Levi gii dagi di Hale laa dela e noho iei Au mo ono goloo hai hegau huogodoo. Digaula e dagidagi di maa, ga hai hegau i lodo di maa, ga haga duu aga nadau hale laa e haganiga di maa.

⁵¹Goodou ma ga haga mmaanege godou hale laa, go digau Levi e dugu dogu Hale laa gi lala, ga haga duu aga labelaa i di gowaa hoou dela e haga duu aga godou hale laa. Tangada ma ga hanimoi gi hoohoo gi di Hale laa le e daaligi gii made.

⁵²Digau Israel ala i golo e haga duu aga nadau hale laa e daudali nia hai o nadau hagabuulinga dangada, tangada e dahi e dau gi dono buini i lala nadau hagallebe.

⁵³Ge digau Levi e haga duu nadau hale laa e haganiga di Hale laa deelaa, e madamada humalia ai, gi dee hana tangada gi hoohoo gi di Hale laa ga hagawelewele iei Au gi digau Israel huogodoo.”

⁵⁴Malaa, digau Israel guu hai nia mee huogodoo Dimaadua ne helekai ai gi Moses.