Saylar 24:18-24

¹⁸Onun düşməni Edomla Seir təslim olacaq, İsrail isə get-gedə güclənəcək.

¹⁹Yaqubun nəslindən olan o adam Səltənət sürəcək, Şəhərdə sağ qalanları məhv edəcək”».

²⁰Bilam Amaleqliləri görəndə gələcəkdən xəbər verib belə dedi: «Amaleq millətlərin birincisi idi, Ancaq axırda məhv olacaq».

²¹Qenliləri görəndə gələcəkdən xəbər verib belə dedi: «Məskəniniz möhkəm, Yuvanız qayada qurulub.

²²Amma, ey Qenlilər, Aşşurlular sizi əsir alanda Yanıb yox olacaqsınız».

²³Bilam gələcəkdən xəbər verməyə belə davam etdi: «Vay, Allah bunu etdiyi zaman kim yaşaya biləcək?

²⁴Kittim sahillərindən gəmilər gələcək, Aşşur ilə Everi ram edəcək, Amma onlar da məhv olacaq».