NARONA 14:4-15

⁴Ben aↄ̃ bèkↄ̃nɛ: Wà dↄn'aɛdee diɛ wà ɛara wà tá Igipiti.

⁵Musa kↄ̃n Arunao dàɛ ń puua gbɛ̃ píngi aɛ.

⁶Ben gu'asiigwarinↄ gↄ̃ↄn plaa Nuni nɛ́ Yↄsua kↄ̃n Yefunɛ nɛ́ Kalɛbuo ń utanↄ gàga wà kɛ̃̀kɛ̃

⁷aↄ̃ bè gbɛ̃nↄnɛ: Bùsu kɛ̀ wa bↄɛn wá yakɛ̀ pì maa maamaa.

⁸Tó wa yã kà Diinɛ, eé gáwao bùsu pìn, bùsu kɛ̀ zwi kↄ̃n zↄ́'io din pì, à wa gba.

⁹Àton bↄ Dii kpɛɛro. Àton vĩa kɛ bùsu pì deenↄnɛro, zaakɛ wa blɛɛnↄmɛ, aↄ̃ↄ utɛkii vĩ dↄro. Dii kúwao, àton vĩa kɛro.

¹⁰Baade píngi e bee wà ń pápa kↄ̃n gbɛ̀o, ben Dii gakui bↄ̀ à mↄ̀ Isarailinↄzi dakↄ̃rɛki kuta kiia.

¹¹Dii bè Musanɛ: Gbɛ̃ pìnↄ égↄ̃ kya kaamagu gurↄ píngin yↄ́? Baa kↄ̃n dabuyã parii kɛ̀ má kɛ̀ ń tɛ́nↄ, aↄ̃égↄ̃ gii ma náanɛ kɛzi gurↄ píngin yↄ́?

¹²Mɛ́ gagyã kpánzi mà ń kaatɛ, mɛ́ n boriinↄ kɛ pari, aↄ̃ gbãaa égↄ̃ dɛ gbɛ̃ pìnↄla.

¹³Ben Musa bè Diinɛ: Ḿbe n gbɛ̃ pìnↄ bↄ̀ɛ Igipiti kↄ̃n n gbãaao. Tó Igipitinↄↄ mà,

¹⁴aↄ̃é gí o bùsu kɛ̀ deenↄnɛziro. Zaakɛ aↄ̃ↄ dↄ̃ kɛ̀ ń kúwao, nɛɛ̀ bↄ ǹ mↄ́wazi tɛ̃tɛ̃ntɛ̃. Aↄ̃ↄ dↄ̃ kɛ̀ n tɛ́luguu ègↄ̃ kú wa musu, nɛɛ̀ dↄwe aɛ à guu fãantɛ̃, gwãavĩ sↄ̃ tɛ́ guu.

¹⁵Tó n gbɛ̃ pìnↄ dɛ̀ kãndo gↄ̃ↄ, borii kɛ̀ aↄ̃ yã pì mànↄ é be: