Namba 14:4-15

⁴Go sêsôm gêdêŋ tauŋ gebe “Aêac tajaliŋ nêŋ laumata teŋ sa ma tamu tana Aiguptu.”

⁵Go Mose agêc Aron sêu tauŋ e laŋôŋanô jagêdêŋ nom lau Israel nêŋ gôlôac samob sêlic.

⁶Ma Nun latu Josua agêc Jepune latu Kaleb, ŋaclagêc, taŋ sekeleŋ gamêŋ tau sêwiŋ lau ŋagêdô naŋ, sêkac nêŋ ŋakwê gêŋgic

⁷ma sêsôm gêdêŋ lau Israel nêŋ gôlôac samob gebe “Gamêŋ, taŋ aêac ajac laoc ma akeleŋ naŋ, gamêŋ ŋajamanô.

⁸Apômtau embe êlic aêac ŋajam, go êwê aêac tasa gamêŋ tau tana ma êkêŋ êndêŋ aêac. Su to lêp keseleŋ ŋamala tônê.

⁹Tageŋ ali awem sa êndêŋ Apômtau atom, ma atêc lau gamêŋ tônêŋa atom, gebe êsêac oc têtu aêacnêŋ mo ma nêŋ lamu gêc su aŋga êsêacnêŋ. Ma Apômtau gêmoa gêwiŋ aêac. Atêc êsêac atom.”

¹⁰Ma gôlôac samob sêsôm sebe têtuc êsêagêc ŋa poc êndu. Go Apômtaunê ŋawasi geoc tau lasê gêdêŋ lau Israel samob aŋga lômbec.

¹¹Ma Apômtau kêsôm gêdêŋ Mose gebe “Aê gagôm gêŋtalô aŋga êsêacnêŋ, mago lau tau laŋôŋ gelo aê ŋapaŋ to sêkêŋ gêwiŋ aê atom nec, sebe sêŋgôm e êndêŋ ondocgeŋ.

¹²Aê gabe jakôniŋ êsêac ŋa kole to janseŋ êsêac su ma jakêŋ aôm ôtu lau-m kapôêŋ to ŋaclai ôlêlêc êsêac su.”

¹³Mago Mose kêsôm gêdêŋ Apômtau gebe “Lau Aiguptu oc sêŋô ŋawae gebe aôm gôwê lau tonec toŋaclaigeŋ sêsa aŋga êsêacnêŋ sêmêŋ.

¹⁴Êsêac oc sêsôm biŋ tau ŋawae êndêŋ lau, taŋ sêŋgôŋ gamêŋ tônê naŋ. O Apômtau, êsêac sêŋô ŋawae gebe aôm taôm gômoa lau tonec ŋalêlôm ma goc taôm lasê gêdêŋ êsêac sêlic ŋa mateŋanô. Êsêac sêŋô gebe nêm tao kêkô lau Israel ŋaô ma nêm tao majaŋ kêsêlêŋ gêwiŋ êsêac gêdêŋ ocsalô to tao ja gêdêŋ gêbêc.

¹⁵Embe onseŋ lau tonec su weŋ tageŋ êtôm ŋac tageŋ, go lau tomôkê-tomôkê, taŋ sêŋô aôm ŋawae naŋ, oc sêsôm gebe