6Nyaapa-lan katiku Mama Kuurrku nintilku? Nyaapa-lan Mamaku nintilku pupakatirra marninypungkukitjalu? Tjinguru-lan puluka warlangu pirni pungkulalpi tililku nintilku.
7Tjinguru-lan tjiipu marnti pirninya pungkulalpi tililku nintilku. Tjinguru-lan uyilpa purlkanya katiku nintilku. Nyangka-munta-lampa Mamanya pukurlarriku pirnipurlka-lan katiku nintinnyangka? Wiyartu. Tjiinya-lan kutjupa-kutjupa palyamunu palyalpayi. Nyangka-tjinguru-lankun katja tirna pungku katiku Mama Kuurrku nintilku tjiinya-lampa kalyparritjaku. Wiyartu.
8Tjiinya Mama Kuurrtu-lanyanta ngaapirinypa watjarnu wantingu, “Ngayulu-rna mukurringkula tjiinya-yan tjukarurru nyinarratjaku. Puru-yankun ngaparrkulu yirringkaratjaku. Puru-yan ngayuku mukulyanytjulu yarnangu pirninya ngarltunytjulu kanyiratjaku. Puru-rniyan ngamu nyinarranytjalu ngayuku wangka wangarnarralu kulira palyaratjaku.” Yuwa, palunya.
