Matiu 7

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹Nelamafufena “Naa maa hana kano mainane.” hu-oateho. Aniama ohisagenoa Anumaya Kotia tamakaifena “Havi kava haya veane mainae.” huno hu-otama-tegahie.

²Tamakaya ani veafema “Naa maa hana kano mainane.” hutama hisayana ani augafa keleti Anumaya Kotia tamakaila ania hu-lama-tegahie. Ma mopalema nelama-fugamima hu-ma-tesaya kavala Anumaya Kotia tamakaila ani kava hu-lama-tegahie.

³Tagaya tagaiti taguafima hanea yana oageneta alu veanehena “Havi veane mainae.” huta hisuna yafena Yisasia mage huno hu-maine “Negafu aulagafina osia havi yana hanegeka neagananagi naa higeka kagaikaa kaulagafina nagola muki yosa-lapagefa haneanagi ‘Omalene.’ huka nehane?

⁴Naa higeka nega-fufena ‘Kaulagafitila havi yana ali-talegahue.’ huka nehananagi kagaikaa kaulagafina nagola muki yosa-lapagefa hane.

⁵Kaguafinaga hanea yana agelama ohuneka kavayaleti havige huka vagala kano maineka kagaikaa kaulagafitila muki yosa-lapagefa ali-taleteka kanaleya huka ageteka negafu aulagafina osia havi yana ali-talegane huno hie.

⁶Tamakaya Anumaya Kotina alu aotage yana alitama kalamogamina oamamiho. Amamisayana mahaiye huya tamakaila akafu tamanigahae. Afumogamina kanale sesua hagayu hutama oamamiho. Amamisayana amaiyaleti ayeya hapa kaligahae.”

⁷Anumayamotega nago yafema havigesagenoa afaa tamamigahie. Nago yafema atiyesagenoa ali falote hugahie. Fitalema akalu kaluma hisagenoa Anumaya Kotia yaki-lama-tegahie.

⁸Mukia havigesaya veamoya aligahae. Ati ayesaya veamoya ali falote hugahae. Fitalema akalu kaluma hisagenoa Anumaya Kotia yaki-lama-tegahie.

⁹Hana kanomoga nafanekamoma mayahema kahavi-gesigeka nefaga yafana alika amigane? Aao ani yana oamigane.

¹⁰Noyamehema kahavi-gesigeka nefaga osifavea alika amigano? Aao ani yana alika oamigane.

¹¹Oamiganagi tamakaya havi veane mainayanagitama nafanetamimona kanale yana neamamiyanagi ikapinaga mainea nelamafaa tusiya huno tamakase-maineanagitama havigesagenoa kanale yana tamamigahie.

¹²Veafe “Maa kava hu-latesae.” hutama hisaya kavala ani kavakeya alu veanea hu-mateho. Ani yafena Moseseene Anumaya Koti amaune vayamoyaene hu-mainaya kahegi kemona aepaa hane.

¹³Anumaya Koti kumatema visayana osi fia kanoafi ugahae. Hani-ki-mainea kumapi tegelege nehia atafi visaya kaana ala hiyenagefa haneno ala kakefa hanegeya kasagoya veamoya yoyo huya ani katela nevagi tamakaya osi fia kanoafi hai-faleho.

¹⁴Agola maige maige hisuna kumatema visaya kaana osi fia kanoa haneanagiya kasageke huya ani katela kasagoya veala novae.

¹⁵Nagoa vayamoya “Anumaya Koti ke hu-haleta nehuna vaya mainone” huya havigegeyama hisaya vayafena kayeho. Yuna afu kana vaya mainagetama neagayanagi amakusafinaga kaveage afu kana vaya mainae.

¹⁶Tamakaya amakaipima falote nehia kavala agetetama aepaa hana augafa vaya mainae hutama havigahae. Ave nofite timaa hanea alaga tagisifi? Aao otagigahie. Avetanafa hanea uveuve inomote hagaage yosalaga motaga molagisio? Otagigahie.

¹⁷Otagigahigi kanale yosamoa kanale yosalaga neayegi havi yosamoa havi yosalaga neaye.

¹⁸Kanale yosamoa havi yosalaga noayeanagino havi yosamoa kanale yosalaga oayegahie.

¹⁹Mukia yosamoya kanale yosalaga oayesayana atagiya atafi kae-talegahae.

²⁰Naa hinagetama havigegeyama huya falote nehisaya vayapiti falote hisia kavala agetetama aepaa “Hana augafa vaya mainae.” hutama havigahae.

²¹Mukia veamoya nagaifena “Anumayatimogae Anumayatimogae.” huya hisaya veala Anumaya Kotima kava yagai-mainea kumatela ohaigahagi ikapinaga mainea Nenafana hau-mainesia kavama nehisaya veamoya ani kumatela umaigahae.

²²Anumaya Kotia kaiyekema hu-matesea yupa kasagoya veamoya nagaifena mage huya hugahae “Anumayatimogae Anumayatimogae tagaya kagai kagile Anumaya Koti kea hu-haleta nehunane. Kagai kagile Kefo Avamula neanatita tokiya avame yana amave-nelunane.” huya hugahae.

²³Hugahayanagi nagaya ani yupa mage huna hugahue “Tamakaila otamaketafa hu-mainoane. Kefo yakeya hugetama omai veanegi nagaitegatila mai-haletama viho huna hugahue.” huno hu-maine.

²⁴Nagoa veamoya anima hu-mainoa kea haviya ali hipoya huge huge huya nago kanale agu agesaene kanomo avamete nehae. Ani kanomoa noma kiana yafa agotofule ki-malene.

²⁵Ki-malenegenoa koma aino tima hogino tokiyaage yasimoa tusiya huno nona ali-lagape aigahe hianagi yafa agotofule ki-malenea yafe alino lagapea ai-oatalene.

²⁶Alino lagapea ai-oatalenegi nagoa veamoya nagai kema haviteya ali hipoya ohayana agesama omalea kanomo avamete nehae. Ani kanomoa ti kahaepapi nomaa ki-malene.

²⁷Ki-malenegeno koma aino tima hogino tokiyaage yasimoa alino ani nona ali lagape aino mopafi atalegeno tusiya huno haviya hu-lavi-maine huno hu-maine.

²⁸Yisasia mani kea hu-hano hutegeya kahegi kema havilinaya anagamoya nehaya augafa ke kana huno ohunegi tokiya yamaa hanea kanomo ke kana hia yafe mukia veamoya tusia amamayo ai-mainae.