Matiu 1

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹Mamona Yisasi Kalaisina aginagomogami amaki hane. Yisasia Teviti nofipiti kano maineanagino Tevitia Apalahamu nofipiti kanoe. Apalahamua Yisasina aginagomo maine.

²Apalahamua Aisakina nefae. Aisakia Yekopuna nefae. Yekopua Yutagami konagamogami neamafae.

³Yutaa Pelesigani Silagani neanafa maineanagino itaanimo agia Tamae. Pelesia Hesalonina nefae. Hesalonia Lamana nefae.

⁴Lamaa Aminatapina nefae. Aminatamia Nasonina nefae. Nasonia Salamonina nefae.

⁵Salamonia Poasina nefa maineanagino itaamo agia Lahapue. Poasia Opetina nefa maineanagino itaamo agia Lutie. Opetia Yesina nefae.

⁶Yesia Tevitina nefa maineanagino Tevitia Isaleli veamogami ala sauve kanoami maineane. Tevitia Solomonina nefa maineanagino itaamoa hagoteno Yulia a maineane.

⁷Solomonia Lehopoamina nefae. Lehopoamia Apiana nefae. Apiaa Asana nefae.

⁸Asaa Yehosafatina nefae. Yehosafatia Yeholamina nefae. Yeholamia Usiana nefae.

⁹Usiaa Yotamina nefae. Yotamia Ahasina nefae. Ahasia Hesekiana nefae.

¹⁰Hesekiaa Manasena nefae. Manasea Emonina nefae. Emonia Yosaiyana nefae.

¹¹Yosaiyaa Yehoiyakiniene ani koganamogami neamafae. Ani kanafina Papiloni kotega vayamoya tu huteya Isaleli veala amavaleya Papiloni kotega nofi mo hu-ma-tageya miya oali aliya ali-mainae.

¹²Ani veamoya Papiloni kotega nofi huma-tageya miya oali aliyana aliya mainayanagino Yehoiyakinina Sealitielona nefae. Sealitieloa Selapapelina nefae.

¹³Selapapelia Apiutana nefae. Apiutaa Eliakimana nefae. Eliakimaa Asolana nefae.

¹⁴Asolaa Satokina nefae. Satokia Akimina nefae. Akimia Eliutina nefae.

¹⁵Eliutia Eleasana nefae. Eleasaa Matanana nefae. Matanaa Yekopuna nefae.

¹⁶Yekopua Yosefena nefa maineanagino Yosefea Maliana anauamoagino ani amoa Yisasina ategeya agaifena Kalaisie huya Anumaya Kotia taugafa aligatigahe hu-tenea kanoe huya hu-mainae.

¹⁷Apalahamua hagoteno maineno falitegeya haenagaa fotinia (14) aginagomoya maime maime haiya mo falitageno anile Tevitia evayi huno maineno falitegeya haenagaa fotinia (14) aginagomoya maime maime haigeya Papiloni vayamoya eya Isaleli veamogamina nofi hu-ma-tageya miya oali aliyana aliya mainageno haenagaa fotinia (14) aginagomoya maime maime haigeno Kalaisia falote hu-maine.

¹⁸Yisasi Kalaisima atenea kea mage huno hu-maine itaamo agia Maliae Yosefete ago hage-malenaya munalagino nagola vene ofaenea munamoa aipaene maine. Anumaya Kotina Alu Aotage Avamualeti aipaene hu-maine.

¹⁹Yosefetema, hage-malenaya kanoa, fatago kano maineanagino havigu Maliaa agaye huyafenagina kesi atalesue agesa havimaine.

²⁰Ani kehena agesa havige havigeteno faeno maineno himona ageana Anumayamo ensole kanoa evayi huno mage huno hie “Yosefegae, Tevitina neamogae, kolia ohuka Maliaa akamoagi afaa avalo. Anumaya Kotina Alu Aotage Avamualeti aipaene maineanagino nenafane ategahie. Ani nafanemoa agaia veamogamina kefo yaamimo nofi hu-matenea veala ali kalu heno amaugafa ali-gatisiafe agia Yisasie huka malegane.” huno hu-maine.

²²Nayona Anumayamo aune kanomo avayafiti mage huno hama-pai-maineane “Haviho nagola vene ofaenesia munamoa aipaene huteno nenafane ategahie. Ani nafanemo agia mage huya ayegahae Imanuelie huya ayegahae.” huno hu-maineane. “Tagai kefina ani agimoa Anumaya Kotia tagaiene maine.” huno hu-maine. Yisasina atenea yupa ani kemoa ago falote huno tamage hu-maineane.

²⁴Yosefea ani himona ageteno aupiti hetino Anumayamo ensole kanomoma hapaiya kea havino akave maleteno “Maliaga animogae.” huno ali-tene.

²⁵Yosefea ani afena “Animogae” huteno alave yana ohuno afaa maineana ani nafanea ategeno Yosefea agia Yisasie huno malene.