Matiu 28

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹Sapati kanamoa hano hu-tegeno Sota yupa kola otinegeya Magatala Maliaene hamoamoene he-vai-taya komulega agegahe umainae.

²Nevaageno tusia imi aligeno Anumayamo ensole kanoa ikapinagati elavino ani yafakefa ayetu-fe-neataleno agupile mopale maine.

³Mainegeno augosamoa aulumayama alia kava huno aye-vasa higeno kenaamoa efeage huno alave alave hu-maine.

⁴Higeya he-vai-taya yafakatema yagaiya maiya ati vayamoya ani ensole kanoa ageteya atili huya amakoya faiteya fali-mainaya vaya kana hu-mainae.

⁵Hageno ensole kanomoa ani atalafena mage huno hie “Tanakaila tanamayoa oaino. Nagaya ago havimainoe tanakaya Yisasina, yafaga yosale nilima heya asai-malenaya kanohe ati-neayae.

⁶Mafina omainegi fali-mainefitila ago heti-maine. Tamaha-pai-mainea kemoa falote higeno ago he-ti-mainegi etana malenaya kumala ma hanegi megeo.

⁷Megetetana tanaiyayetana agaiaenema tokaeya nemaiya anagala mage hutana mo hama-paio ‘Yisasia ofalino afaama maineno tamaha-pai-mainea kea haviho. Uhagotela-mateno Kalili ago umainegi anilega neutama Yisasina mogeho.’ hutana hio. Hai tanaha-pauve.” huno hie.

⁸Higeana tolemogania anamayoa neaiana musena nehuana anaiyayeana agaiaenema tokaeya nemaiya anaga mo hama-paigahe umainae.

⁹Nevaageno anile aupaa Yisasiene fotu mo haageno Yisasia mage huno hanapaiye “Neao?” huno higeana eana aiyale metafa huana ali soso hae.

¹⁰Haageno Yisasia mage huno hie “Tanamayoa oaitana mage hutana nafunaganagamina mo hama-paio ‘Kalili neutama anilega mo nagegahae.’ hutana hama-paio.” huno hie.

¹¹Tole atalana yaufa nevaageya nagoa komulema yagai-maiya ati vayala ala kumate uya ala mono note kava vayafena mukia yama falotema hia yafena mo hama-paiye.

¹²Mo hageya ala mono note kava vayaene Yuta vayatamaene melitalu huya huge havige huteya hu-haya kiteya ani ati vayamogamina ala mone hageya neamamiya “Mani kea hutama falote ohisaya yafe ma monea negeno hano hino.” huya hae.

¹³Huteya mage huya hae “Tamakaya veafena mage hutama hiho ‘Yisasiene tokaeya nemaiya anagamoya kege ayaamoya faeta mainonageya augafa musufaya huya aliya vae.’ hutama hiho.

¹⁴Ala kamani kanomoa mani kema haya kea haviteno kema tamama-kisiana tagaya ali fala-ki-lama-teta ‘Amakaipina kea omale.’ huta alu kema hapaisunanagenoa kea-otamama-kigahie.” huya hae.

¹⁵Hageya ati vayamoya ani monea aliteya ma ma hama-paiya kemo akave malageno mukia Yuta vea mainalega mani kemoa ute ete huno menia ania huno hane.

¹⁶Yisasina alevenia (11) anagamoya Kalili agoyalega umainae.

¹⁷Valegati Yisasina mogeteya agia alisaga hayanagi nagoamoya tole amakesa havimainae.

¹⁸Yisasia ani vaya mainale emaineno mage huno hie “Anumaya Kotia ikategaene mopafiene tusia kava yagaisua tokiya yana ago namiafe tamakaya mukia ma mopaene mopaene neutama nagai kea hama-paigeya amakua namisagetamahena Nenafa agileene nafaneamoni nagileene Alu Aotage Avamumo agileene tina fale-ma-teho.

²⁰Tina fale-ma-tetama nagayama tamaha-pai-mainoa kea ‘Akave maleho.’ hutama huge hama-velige hiho. Tamage nagaya tamakaiene mukia kanafina maime maime nevisugeno ma mopama hano hisia kanamoa falote hugahianagina otama-talegahue.” huno Yisasia hu-maine.