Markuj 5:8-40

⁸Pwe a kotin majani on i: Koti jan aramaj en, nen jaut koe!

⁹I ari kotin kainoma re a: Ij ad om? A ap japen potoan on i: Iet ad ai lekion, pwe kit me toto.

¹⁰A ap poeki, ender kotin kauj ir ala nin jap o.

¹¹Ari, pwin pwik kalaimun eu mimi impan nana o, manamana jili.

¹²Irail ap poekipoeki potoan on: Re kotin kadar kit ala, pwe jen til on nan pwik oko.

¹³Iejuj ari kotin mueid on. Nen jaut akan ap koiei jan, ko on nan pwik oko. Pwik oko ap tanedi wei ni aul on nan jed ap mopila nan jed. Irail impan riakid.

¹⁴Jilepa kan ap tandaui, kaireki jili nan kanim o nan jap; re ap koieila pwen kilan duen me wiaui;

¹⁵Irail ari poto don ren Iejuj, kilan, me tanwar en tewil o a momod, o likauer, o lolekonlar; iei i me lekion mier re a. Re ap majapwekada,

¹⁶Irail me kilaner ap indai on irail duen me wiaui on me tanwar en tewil o, o duen pwik akan.

¹⁷Re ap poekipoeki, a en kotiwei jan jap arail.

¹⁸Ni a koti don nin jop o, me tanwar en tewil o poeki re a en ian i.

¹⁹A i jota mueid on i, ap majani on i: Ko on ni im om ren jau om, kaire kin ir duen manaman lapalap, me Kaun o wiai on uk er o poke uk alar.

²⁰I ari kola, kaloki jili nan Dekapolij duen manaman lapalap, me Iejuj kotin wiai on i; irail karoj ap puriamui kila.

²¹Iejuj lao pil kotela jed o on palio, pokon kalaimun eu ap ko pena re a. A kotikot pon oror.

²²Ari, jaumaj en jinakoke amen, me ad a Iairuj kotido. Ni a tu on i, ap dairukedi jan.

²³Poekipoeki kaualap, potoan on: Nai kijin jeripein kij koren ion mela; i poeki, komui en kotido en pwil lim omui poa, pwen kelailada, ap pan maurela.

²⁴I ap kotin ianala, aramaj toto ap idauenla, koi don pena.

²⁵Li amen, me nta pwilipwil par naulriau.

²⁶O lokolokki me toto ren jaunwini toto o kida a kapwa karoj, ap jota katepe, pwe a totorela eta.

²⁷Ni a ronada duen Iejuj, a ap dilonedo muri nan pokon o, o jair japwilim a likau.

²⁸Pwe a inda: Ma i jair japwilim a likau eta, i pan kelailada.

²⁹Ari, pwilipwil en nta madan matata. I ari pamada nan war a, me a kelada janer jomau o.

³⁰Iejuj ap madan kotin kaanda, me rojon kij ko janer. A ap jaupei don pokon o majani: Ij me jair ai likau?

³¹A japwilim a tounpadak kan potoan on: Komui majani, pokon et koi don komui penaer; a komui majani: Ij me jair ia?

³²I ari kotin aupwil jili, pwe a men majani, me wia me o.

³³Li o ari majapwekada, rerer, ajaer me wiaui on i ap potodo, dairukedi mo a, potoan on duen melel en me wiaui o.

³⁴A ap kotin majani on i: Nai om pojon me kakelail uk adar. Ukowei popol, o kelada jan om jomau!

³⁵Ni a kotin mamajan, irail kodo jan ren jaumaj en jinakoke indada: Noum jerepein o melar. Menda kom kaniri jaunpadak en?

³⁶Ni en Iejuj a ani kair o, ap majani on jaumaj en jinokoke o: Kom der majak pojon eta!

³⁷A ap jota kotin mueid on meamen en idauenla i, Petruj eta, o Iakopuj o Ioanej ri en Iakopuj.

³⁸Irail koti don ni im en jaumaj en jinakoke o, ap majani arail moromoron o mamaiei kaualap.

³⁹A ni a kotilon, a majani on irail: Da me komail moromoronki o mamaukeki? Jeri en jota melar, a mamair eta.

⁴⁰Re ap kakaurureki i. I ari kotikiiei jan irail karoj, ap kotin ukada jam o in en jeri o me ian i ko; a ap pedelon on waja, me jeri o wonon ia;