Markuj 15

1

2

3

4

5

6

7

8

9

10

11

12

13

14

15

16

¹MADAN jankonai jamero lapalap akan, ianaki jaumaj akan, o jaunkawewe kan, o pil jaunkapun karoj kapunada ap jaliedi Iejuj, ap wawei panalan Pilatuj.

²Pilatuj ap idok re a: Komui Nanmarki en Juj akan? A kotin japen majani on i: Komui me majani.

³Jamero lapalap akan karauneki i me toto.

⁴Pilatuj ap pil idok re a majani: Komui jota japen? Kom majani, me re kinakine on komui me toto.

⁵Iejuj pil jota kotin japen Pilatuj ap ponepone kida.

⁶Ari, ni kamadip o a kin lapwa on ir me jenjal amen, me re mauki.

⁷Ol amen, ad a Parapaj, me ian janjal ren me ian i kamela aramaj ni ar kauadar moromor eu.

⁸Pokon ap moronada, nidi nideki, en wiai on irail, me a kin wiai on irail maj.

⁹Pilatuj ap japen irail majani: Komail men, i en lapwadan komail Nanmarki en Juj akan?

¹⁰Pwe a aja, me jamero lapalap akan wakido i ar peirin.

¹¹A jamero lapalap akan kapururada pokon o, pwe en mauki lapwa on irail Parapaj.

¹²Pilatuj ap japen pil majani on irail: Da me komail mauki i en wiai on me komail kaadaneki Nanmarki en Juj akan?

¹³Irail ap wer laudeda: Kalopuela i!

¹⁴Pilatuj ap majani on irail: Pwe jued da, me a wiadar? Re ap kalaudela ar wer: Kalopuela i!

¹⁵Ari, Pilatuj men kainjenemaui aramaj oko, ap lapwa don irail Parapaj, ap kida Iejuj murin a woki, pwen kalopuela.

¹⁶Jaunpei ko ap kalualan i nan pera eu me ad a pretorium. Re ap eker pena ar pwin.

¹⁷Re ap kalikauwie kida i purpur o pidada al en tek, ap lanelanie kida.

¹⁸Ap tapi on kepwene: Ion Nanmarki en Juj akan!

¹⁹Re ap wokieki tapwi alek, o kondipe i, ap kelepuki, poridi jan.

²⁰A lao nek ar kapailok, re ap ki jan i purpur, ap kapur on udan japwilim a likau, kaluaieila, pwe ren kalopuela i.

²¹Re ap iton on Jimon, men Kirene amen, me jam en Alekjander o Rupuj, me dauli irail ni a kodo jan nan jap, pwen wada a lopu.

²²Re ap walan i Kolkata. Iet wewe: Waja en pontal en mon.

²³Re ap ki on i, en kakere wain dol mir. Ari, a jota kotin urak.

²⁴Ni arail kalopuedar i, re ap ter pajan japwilim a likau ko. Re ap kadoropwe, da me amen amen pan aneki.

²⁵Ari, ni auer kajilu, me re kalopuela i.

²⁶O intin en poa me a pukoki due met: Nanmarki en Juj akan.

²⁷Lolap en pirap riamen ian i kalopuela; amen pali maun i, amen pali main i.

²⁸Iei me kijin likau pun kila, me inda: A wadawad on ren me dipan.

²⁹Ir me kin dauli, kin lalaue, dueduälok inda: Ei, koe me pan kawela im en kaudok, ap id kaua kida ran jilu.

³⁰Pein dore uk ala, o kodido jan nin lopu en!

³¹Jamero lapalap akan pil dueta, kapailoke, inda nan pun ar ian jaunkawewe kan: A dorelar akai, a pein i a jota kak on.

³²Krijtuj Nanmarki en Ijrael, kodido jan nin lopu en, pwe je en kilan o pojon. O ira, me ian i lopu la ko, pil lalaue.

³³Ari, auer kawonu lel, rotorot ap kipadi jap lao lel auer kaduau.

³⁴Ni auer kaduau Iejuj ap kotin weriwer laudeda majani: Eloi, Eloi, lama japaktani! Iet wewe: Ai Kot, ai Kot! Da me re kotin kaje kin ia la!

³⁵Akai me u impa, ni arail ron inda: Kilan, a ekeker Eliaj.

³⁶Amen ap tanala, ale lim en pinika eu, ki on ni alek apot, ap kida on en kakere, ap inda: Udi maj! Kitail kilan, ma Eliaj pan kodo en kidi jan.

³⁷Iejuj ap kotin weriwer laudeda kadarala Nen e.

³⁸Pera likau nan im en kaudok ap dei pajan, janeda pali poa lel pa.

³⁹O ni en jenturion o, me u jaledon, a kilan a wer laudeda due mo, ap kadarala Nen e, a ap inda: Nan melel Japwilim en Kot aramaj men et.

⁴⁰Li akai pil mimi waja doo, kilekilanedo; Maria men Magdala, me mi nan pun ar, o pil Maria, in en Iakopuj, me tik, o en Iojej, o Jalome.

⁴¹Me pil kin idauen papa i maj o, ni a kotikot Kaliläa; o pil me toto, me ian i kotida don Ierujalem.

⁴²Ari, ni a jautik penaer, pweki kaonop iei ran mon japat.

⁴³Iojep, men Arimatia amen, ap kodo, me jaunkapun ijou amen, me kin pil auiaui wein Kot, me jo majak koti don Pilatuj, poeki kalep en Iejuj.

⁴⁴Pilatuj ap puriamuiki, me a matalar, ap molipe don i jenturion o, ap kainoma re a, ma a matalar warai.

⁴⁵A lao mani jan ren jenturion o, a ap ki on kalep a ren Iojep.

⁴⁶A ap netiada likau linen mau, ap lapwadi i, kidimeki pena likau o, nekidedi i nan joujou eu, me weiweida nan paip, ap kadapuri on takai eu ni au en joujou o.

⁴⁷O Maria men Magdala o Maria in en Iojej kilan waja, re nekidedi i.