Markuj 16

1

2

3

4

5

6

7

8

9

10

11

12

13

14

15

16

¹JAPAT lao daulul, Maria men Magdala o Maria in en Iakopujo Jalome netiada men kei pomau kai, pwe re en kodon keieki i.

²Nin joran nin tapin wik, re ap ko don nin joujou o, ni katipin a pwarada,

³Irail ap indinda nan pun arail: Ij me pan kadapure jan au en joujou o takai o re atail?

⁴Ari, ni ar kilan, re ap kilanada, me takai o tapure janer, pwe me kalaimun kaualap.

⁵Ni ar pedelon on joujou o, re ap kilan manakap amen momod pali maun, likauki likau puetepuet. Re ap majakada.

⁶A ap indan irail: Komail der majak! Iejuj, men Najaret me komail roporop, me kalopular, a iajadar. A jolar kot met. Kilan waja, re nekidedi ia.

⁷Komail kowei, kaireki a tounpadak kan o Petruj, me a pan tion mo omail koti won Kaliläa. I waja, komail ap pan kilan i, duen a kotin majani on komail.

⁸Re ap madaniei jan o tan jan nin joujou o, pwe re majapwekada rerer, re pil jota indai on meakot meamen, pwe re majapwekada.

⁹Ari, murin a iajada jankonai nin tapin wik a ap kotin pwar on maj Maria men Magdala, me a kotin kauje jan tewil ijimen.

¹⁰A ap kola indai on irail me ian i ko maj, ni ar mamaiei o janejan.

¹¹Ni arail roner, me a iajadar, o me a kotin pwar oner i, re jota kamelele.

¹²Muri a kotin pwar on riamen irail ni eu mom, ni ara kokolan nan jap.

¹³Re ap kola indai on me tei kan. A re jota pil kamelele ira.

¹⁴Mur a pil kotin pwar on ir ekamen oko ni ar momod tunotunol, ap kotin kapun on irail ar jopojon o kapitakai, pweki ar jota kamelele ir me kilan i murin a iajadar.

¹⁵A ap kotin majani on irail: Komail ko on jappa u, padaki on aramaj karoj ronamau!

¹⁶Meamen me pojon o paptaijola, pan dorela. A me jo pojon pan kariala.

¹⁷A kilel pukat pan idauen ir, me pojon: Ni ad ai re pan kaujaki jan tewil akan, re pan lokaia toror.

¹⁸Re pan kawela jerpent; ma re nimala men kamela kot, a jota pan kawe ir ala; irail pan pwil pa ar pon me jomau, re ap pan kelailada.

¹⁹Ari, Kaun o lao kotin majani on irail mepukat, a ap peukadala nanlan o kotido on pali maun en Kot.

²⁰Irail ap kola, padapadak jili waja karoj. A Kaun o kotin ian dodok, kameleleki majan manaman me ian.