Marcos 8:5-17

⁵Jesús nzhé lo re xaa: —¿Lak pan nzeno re gu? Zee lee re xaa nzhé: —Gazha.

⁶Zee nzhé xaa lo re xaa nzhi zee: —Bzob re gu lo yo. Nu mzen xaa gazh pan, nu mzaa xaa dixkix lo Dios. Mlerol xaaya nu mzaa xaaya lo re xaa mseed lo xaa, zee mdiiz xaaya lo re xaa nzhi zee.

⁷Noka nzeno xaa lak mbal dik. Jesús mzaa dixkix lo Dios nu mzaa xaaya zee mdiiz xaaya lo re myet.

⁸Rese xaa ndaw axta paro nguzhe lextoo xaa, nu seesa mtazhe xaa gazh chekwid byog, re kwaan mlake.

⁹Kan tap mil xaa ndaw.

¹⁰Ngulo ndaw xaa, zee mxaal Jesús re xaa nya xaa. Nu gorzee nguxoob Jesús leen kano kwaan re xaa mseed lo xaa, nu mzhin xaa yizhyo kwaan le Dalmanuta.

¹¹Zee re xaa fariseo mzhin lo Jesús, nu mzelo xaa mdildiizh xaaya kwaan Jesús. Nel nzhekla xaa ne xaa che wli kwaan nii Jesús, zee nzhé xaa lo Jesús: —Le tub nseyn kwaan nebse Dios nzho mod le, zee ne nu lee lu nak xaa mxaal Dios.

¹²Jesús mzilextoo nu nzhé: —¿Chozhiin naab re gu, xaa nzho mbizh nalzhe, nseyn ne? Wli na kwaan nii na lo gu, nik tub kwaan nalet na lo gu, zee nik tub kwaan nawiit gu lo.

¹³Zee mlaa Jesús re xaa, nu mzeeb Jesús leen kano, nu nzha xaa mded xaa stub ta roo nistoo.

¹⁴Myenlazh re xaa nge xaa kwaan gaw xaa, chaka pan nkano xaa leen kano.

¹⁵Leezha nzha re xaa leen kano, Jesús nzhé lo re xaa: —Lijer gok gu lo lebadur cheen re fariseo, nu lo lebadur cheen Herod.

¹⁶Re xaa mseed lo xaa mzelo nzhé xaa lo wechxinn xaa: —Sbaa né xaa lo be nel myenlazh be nge be pan.

¹⁷Nu mzeen Jesús kwaan nzhé re xaa lo re wechxinn xaa, zee mnabdizh Jesús lo re xaa: —¿Chozhiin nzhé gu nanzenot gu pan? ¿Che seetaka nanzeent gu, nu nixa nanlata yek gu? ¿Che tira mkaw yek gu?