Luke 24

1

2

7

24

³⁶Ngalalu kalinyamba-wukalukanyi li-jawina yiku ki-Jijaj, ka-wingka baki ka-alarri Jijaj wumbiji aluwa; ka-arri,

³⁷“Marrirru marnajingarna!” Ngala kalu-wardanka nalu-wurdu, kalu-wardanka kurdandu nalu-wurdu barra, “Ngabaya ngabaya marniwa”; kathiwa ngabaya.

³⁸Ka-arri alunga, “Ngalhiyu jirru-wardirrinji nirru-wurdu, ngalhiyu? Jirrinyamba-wukanyinji nirru-wurdu, ‘Ngalhi

³⁹jina?’ Wayi barra? Nganhirra-karra ngarna-marliji mili ngarna-marnda, kalngiya ngarna barra. Nganhirru-manhaya! Nganhirra-karra! Waraba narnu-ngawulu ngala ngarna ngarna-manka ngarnayirdi niyingarna-ngulyandawu.”

⁴¹Kulu kalu-arri lhaba nyamba-yngkalayngkarrinjarra yiku, “Kalngiya yiwa barra nungka ka-wani?” Kalu-ruwama, kalu-yabirri nalu-wurdu yiku. Ka-arri alunga, “Ngalhi wudurru yirruwa thanthawu?”

⁴²Kalu-ngunda arlku na-warnnyi, wunhunhu barra; kila-ka arlku, kiwa-tha nya-mangaji ngalalu kalu-wunkanu. Bawuji.