Luka 6:22-29

²²Eḡe, Vaze Ubuga, hegoteꞌeteꞌe uꞌano, vazeꞌa heꞌeheꞌezine, hezahine, ḡoere sauꞌa zine ebu za sauꞌa rae reine, zaꞌe Badiꞌaꞌa manohuga hidiꞌuma.

²³Zae vouḡaꞌa peroveta azaḡa mazao zuni ꞌouge haḡaido. ꞌUguḡaniꞌa za mazao fureranoꞌidene matueꞌenaꞌa zavonoꞌi! Mazaḡa peroveta azaḡa teige, Badiꞌaꞌa adureo zae naeḡa boro raꞌohe.

²⁴Rehano za, maꞌora azaḡaꞌe fase, Badiꞌa aduga hidiꞌuma. Mazaḡa zaꞌe ibite ḡau manoḡa niduꞌa mae hauḡiro ꞌahine, vesuꞌu mene bare meꞌuma.

²⁵Izidi za, ogau isi miniꞌeteꞌe azaḡaꞌe fase, Badiꞌa aduga hidiꞌuma, mazaḡa vesuꞌu viniziꞌuma. Izidi za, matuꞌe eḡofeꞌeteꞌe azaḡaꞌe fase, Badiꞌa aduga hidiꞌuma. mazaḡa vesuꞌu niauꞌenaꞌa vetuḡaraꞌuma.

²⁶Vaze niduꞌaꞌa za niguzine, fase, Badiꞌa aduga hidiꞌuma, mazaḡa vouḡazeꞌa zuni ḡuriro perovetaḡa azaḡa ꞌouge niguzido.

²⁷Eḡe ḡoere egoniꞌeteꞌe azaḡaꞌe ziꞌohe. Agireze azaḡa zamaroꞌi zu heꞌeheꞌeꞌeteꞋe azaḡa mazao manoḡa haḡaoꞌi!

²⁸Za rae sausauzeꞌeteꞌe azaḡaꞌe Badiꞌa manohuga hidoga veize uminoꞌi zu zae mazao haḡai sauꞌa haḡaeꞌeteꞌe azaḡa veize kuranoꞌi!

²⁹Vazeꞌa ḡanigo faꞌonoꞌidene, naeḡa zu notonohanoꞌi! Vazeꞌa dabuaḡo meiꞌadu hena bare ꞌahoga zuni meihi roꞌidene, aꞌa zu hanoꞌi!