22asay ta gish intena ixishin ba giddofe shaakkishin, borshininne intena iita sunthara xeygishin inte anjettidayta;
23“Intes salon gita woytoy diza gish he wode ufayssan guppite; ays giikko ista Aawati nabeta bolla hessatho ooththida.
24Gido attin inteno dureto inte ha7i ufayettida gish intena aayye-ana!
25Inteno ha7i kallidayto intena aayye ana! Inte guyeppe gafana; inteno ha7i miicizayto! Intes aayye ana! Inte guyeppe mishetananne yeekkana.
26“Asi wuri inte gish lo7o haasayiza wode intens aayye-ana! Ays giikko ista aawati wordo nabetas hessa mala ooththida.
27“Gido attin ta yootizayssa siyizayto tani intes yootizay inte morketa siiqite; intena ixizaytas lo7o ooththite;
28intena qangizayta anjite; intena qohizaytas woossite;
29Issi shagalan baqqikko, nam7antho shagala gujja bessa; ooninne ne bollara may7idayssa qaari ekkikko gaaththara may7idayssakka diggofa.
Luqaasa 6
Luqaasa 6:22-29