22“परमेश्वरसे पुइखबा म्हिदा विश्वास लबासे लमा म्हिगदेसे एनीगदेदा हेला लसी नाम्साग्यामसे तेःला ओच्छे जम्मासेन एनीगदेदा खिसी लमाएनोन एनीगदेसे परमेश्वरग्याम मोलम याङ्ला।
23“थे धुइरी एनीगदे फुरफुर ताङ्गो। तिग्दा भिसम स्वर्गरी एनीगदेसे घ्रेन इनाम याङ्ला। एनीगदेदा दुख पिन्बागदेला आखे म्हेमेगदेसेनोन अगमवक्तागदेदा चुह्रङ्नोन लमुबा।
24फ्युक्पोगदे, एनीगदेसे परमेश्वरग्याम सजाय याङ्ला। तिग्दा भिसम एनीगदेसे मोजमजा लसी जिन्बा मुला।
25म्रेन्बागदे, एनीगदे फोइथाननोन चितोःला। तिग्दा भिसम एनीगदेसे परमेश्वरग्याम सजाय याङ्ला। ओच्छे ताङ्बागदे दुख नासी क्रासी चितोःला। तिग्दा भिसम एनीगदेसे परमेश्वरग्याम सजाय याङ्ला।
26म्हिगदेग्याम मान याङ्बागदे, एनीगदेसे परमेश्वरग्याम सजाय याङ्ला। तिग्दा भिसम एनीगदेला आखे म्हेमेगदेसेनोन फट्टा अगमवक्तागदेदा चुह्रङ्नोन लमुबा।
27“तर ङाइ लोप्बा ताम ङ्यान्बागदेदा ङाइ भिला, एनीगदेसे ह्राङला शत्रुगदेदा माया लउ, ओच्छे ह्राङदा हेला लबागदेदा ज्यबा व्यवहार लउ।
28एनीगदेदा केःबागदेदा परमेश्वरसे मोलम पिन्गै भिसी प्रार्थना लउ। ओच्छे खालैसे एनीगदेदा आज्यबा लजी भिसम थेनीगदेदा ज्यबा तगै भिसी परमेश्वरदेन छ्याम प्रार्थना लउ।
29खालैसे एदा ग्रम्बा गिकरी तोजी भसम अर्गुपट्टिला ग्रम्बाएनोन तासी पिन्गो। ओच्छे एला स्कोट भोर्बारी छ्याइबादा स्हुर्दमदाएनोन पिन्गो।
लूका 6
लूका 6:22-29