Text copied!
CopyCompare
ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤁᤢᤛᤱ ᤔᤠᤱᤜᤢᤵ - ᤗᤢᤁᤠ - ᤗᤢᤁᤠ 6

ᤗᤢᤁᤠ 6:22-29

Help us?
Click on verse(s) to share them!
22ᤔᤧᤴᤇᤠᤶᤛᤠ᤺ᤸᤗᤧ ᤆᤥᤃᤢᤸᤗᤧ ᤔᤏᤠᤜᤠ᤹ᤖᤧ ᤁᤧᤶᤈᤡ᤺ᤳᤋᤡ᤹ᤒᤠ. ᤁᤧᤶᤏᤠ᤹ᤖᤡᤒᤠ ᤜᤧᤰᤁᤩᤠᤱ ᤂᤡᤏᤡ᤹ ᤏᤠᤔᤧᤎᤠᤛᤢᤀᤠᤱ ᤋᤠᤵᤑᤧ᤺ᤸᤗᤡᤰ ᤁᤧᤶᤔᤧᤳᤋᤡᤒᤠᤜᤠ᤹ ᤔᤢ᤹ᤀᤡᤛᤠᤒᤠᤏᤡᤱᤗᤥ॥
23ᤂᤧᤴ ᤕᤧᤶᤔᤥ ᤛ᤺ᤳᤋᤧᤶᤔᤧ᤹ᤀᤥ. ᤀᤥᤔᤢ ᤗ᤹ᤖᤧᤶᤔᤧ᤹ᤀᤠᤱ ᤗᤠ᤺ᤰᤂᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤌᤢᤶᤄᤥ᤺ᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤐᤕᤶ ᤕᤶᤒᤠ ᤆᤥ᤺ᤰᤗᤥ॥ ᤂᤢᤏᤡ᤹ ᤌᤠ᤺ᤰᤌᤧᤒᤠᤜᤠ᤹ᤖᤧᤀᤠᤱ ᤀᤢᤴᤇᤥ᤺ᤴᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤜᤠᤒᤠ ᤜᤧᤰᤁᤣᤀᤣ ᤔᤧᤔᤧᤳᤋᤢᤛᤡᤀᤠᤱ ᤔᤧᤘᤕᤧᤖᤥ॥
24ᤁᤖ ᤀᤠᤸᤗᤥ ᤕᤠᤱᤛᤠᤁᤢᤴᤎᤣᤛᤠᤒᤠᤛᤣ. ᤆᤡ᤺ᤳᤋᤠᤱᤗᤰ ᤛᤩᤧᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤛ᤺ᤵᤔᤠᤴ ᤏᤢ ᤏᤡᤱᤘᤠ᤹ ᤋᤠ᤺ᤔᤠᤴ ᤂᤡᤏᤡ᤹ ᤜᤡᤱᤔᤴᤏᤥᤀᤣ ᤁᤧᤄᤥ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥
25ᤀᤠᤸᤗᤥ ᤁᤧᤄᤠᤒᤠᤀᤠᤱ ᤁᤧᤘᤠ᤹ᤒᤠᤛᤣ. ᤆᤡ᤺ᤳᤋᤠᤱᤗᤰ ᤛᤩᤧᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤛᤠᤰᤔᤧᤴᤈᤠ ᤁᤧᤒᤥ᤺ᤰᤂᤡ᤹ᤖᤥ॥ ᤀᤠᤸᤗᤥ ᤁᤧᤀᤣ᤺ᤵᤐᤠᤖ ᤁᤧᤘᤠ᤹ᤒᤠᤛᤣ. ᤆᤡ᤺ᤳᤋᤠᤱᤗᤰ ᤛᤩᤧᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤔᤣᤖᤡᤱ ᤌᤰᤏᤢ ᤁᤧᤜᤠᤒᤡ᤹ᤖᤥ॥
26ᤀᤠᤸᤗᤥ ᤔᤏᤠᤜᤠ᤹ᤖᤧ ᤏᤢ᤺ᤖᤡᤰ ᤔᤧᤔᤧᤳᤋᤢᤛᤡᤒᤠᤛᤣ. ᤆᤡ᤺ᤳᤋᤠᤱᤗᤰ ᤛᤩᤧᤖᤥ. ᤌᤣᤀᤠᤱᤓᤧᤸᤗᤧ ᤂᤢᤏᤡ᤹ ᤌᤠ᤺ᤰᤌᤧᤒᤠᤜᤠ᤹ᤖᤧᤀᤠᤱ ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤒᤠ ᤜᤧᤰᤁᤣᤀᤣ ᤔᤧᤔᤧᤳᤋᤢᤛᤡᤖᤥ॥”
27“ᤁᤖ ᤀᤡᤱᤃᤠ᤹ ᤀᤠᤒᤠ᤺ᤴ ᤁᤧᤄᤧᤶᤒᤠᤛᤣ. ᤂᤡᤏᤡ᤹ ᤏᤡᤱᤔᤡᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹ᤀᤥ॥ ᤕᤠᤵᤔᤡ ᤁᤧᤈᤡ᤺ᤵᤐᤠᤜᤠ᤹ ᤏᤢ᤺ᤖᤡᤰ ᤔᤧᤳᤋᤧᤶᤛᤡᤶᤔᤧ᤹ᤀᤥ॥
28ᤂᤡᤏᤡ᤹ ᤛᤠᤱᤃᤪᤠ ᤁᤧᤔᤧᤵᤐᤠᤜᤠ᤹ ᤔᤢ᤹ᤀᤡᤛᤠᤶ ᤌᤠᤛᤧᤶ ᤐᤡᤖᤧᤶᤛᤡᤶᤔᤧ᤹ᤀᤥ॥ ᤂᤡᤏᤡ᤹ ᤋᤠᤵᤑᤧ᤺ᤸᤗᤡᤰ ᤁᤧᤔᤧᤵᤐᤠᤜᤠ᤹ ᤋᤢᤘᤠ ᤆᤥᤃᤧᤶ ᤐᤡᤖᤧᤶᤛᤡᤶᤔᤧ᤹ᤀᤥ॥
29ᤜᤠ᤺ᤳᤗᤧ ᤁᤧᤏᤧᤍᤧᤱᤒᤠᤴ ᤁᤧᤗᤧᤱ ᤁᤧᤒᤡ᤹. ᤂᤧᤏᤧ᤹ ᤘᤣ᤹ ᤗᤧᤵᤔᤠᤱᤒᤠ ᤁᤧᤏᤧᤍᤧᤱᤒᤠᤴᤏᤠᤱ ᤂᤧᤴ ᤋᤥ᤺ᤴᤍᤧ ᤐᤡᤖᤧ᤹॥ ᤜᤠ᤺ᤳᤗᤧ ᤛᤠᤰᤁᤧᤸᤗᤧᤰ ᤁᤧᤛᤢᤱᤄᤣ᤺ᤰᤘᤠ᤺ᤴ ᤁᤧᤏᤠᤵᤐᤠᤱ ᤋᤣ᤹ᤖᤢ᤹. ᤂᤧᤴᤏᤡᤴ ᤁᤧᤈᤠᤱᤔᤠ ᤋᤣ᤺ᤳᤋᤡᤴᤏᤠᤱ ᤐᤡᤖᤧᤍᤣ᤺ᤛᤧ᤹ᤀᤥ॥

Read ᤗᤢᤁᤠ 6ᤗᤢᤁᤠ 6
Compare ᤗᤢᤁᤠ 6:22-29ᤗᤢᤁᤠ 6:22-29