Luki 6:22-29

²²«Ká ɓa nùpua khíi ɲina mia, á pã́ mia, á wee là mia, á wee yáa mi yèni o *Nùpue Za bìo yi, se mi ɲúná sĩ.

²³Mi zã̀maka à wé coronka lé bìo le Dónbeenì bũ̀iá beenì pan mia ho wáayi mu bìo yi. Mu bon, lé kà síi á ɓarɛ́n ɓàn ɓùaawa mún yánkaa beéraráa le *Dónbeenì ɲi-cúa fɛɛrowà lò.

²⁴Ɛ̀ɛ ká minɛ́n nàfòró ɓànsowà á ho yéréké khíi sá yi, lé bìo á mu bìo ɓúenɓúen mí yú vó, á bìo máa bĩní máa bè mu wán máa na mia.

²⁵Minɛ́n na wee dí bùubaa ho zuia á ho yéréké khíi sá yi, lé bìo á bìo cɛ̀rɛ̀ɛ hĩni khíi tè mia. Minɛ́n na wee dĩ hã konsĩní ho zuia á ho yéréké khíi sá yi, lé bìo mí bìo khíi wé ho yahó sèró lè le wɛ́ɛ.

²⁶Minɛ́n na ɓa nùpua wee wíoka yèni á ho yéréké khíi sá yi, lé bìo á lé kà síi á ɓàn ɓùaawa mún yánkaa wó làa bìa fù le mí lé le Dónbeenì ɲi-cúa fɛɛrowà ká mu ɲɔǹ yí bon.

²⁷«Àwa, minɛ́n na wã́a dĩ̀n wee ɲí ĩ cɔ̃́n ɓúenɓúen lé minɛ́n á ĩ wee bío bìo kà a na yi: Mi wań mi zúkúsa. Bìa ɲina mia à mi wé mu bè-tentewà na yi.

²⁸Bìa wee dánkání mia à mi wé dúɓua yi. Bìa wee yáa mi yèni à mi wé fìo na yi.

²⁹Hàrí ká a ɓúi dó ũ sáahó yi, à ũ yèrèmá hìa so dá a yi. Ká a ɓúi fó ũ kánɓun, à ũ mún día le o fé ũ báká.