Luka 23:2-48

²thaj optužisardine les: “Astardam les sar zavodil amero thaj phenel lenđe te na poćinen o porez e carošće, a pale peste phenel kaj si o Hristo, kraljo.”

³O Pilato phučlales: “Dali san tu o caro e židovengo?” Vo phendas lešće: “Gajda si sago kaj tu u phenes!”

⁴Askal o Pilato phendas e šorvale rašajenđe thaj e themešće: “Nisošći doš či arakhav pe akava manuš!”

⁵Ali von počnisardine još majbut te navalisaren: “Bunil e theme pire naukava pe sasti Judeja. Počnisarda ande Galileja thaj avilo sa dži akaring ando Jerusalim!”

⁶Kana godova ašundas o Pilato, phučlas dali si godova manuš Galilejco.

⁷Kana potvrdisardine godova, o Pilato bičhaldas e Isuse ko Irod, savo vladilas ande Galilejaći regija. O Irod baš askal arakhadilo ando Jerusalim.

⁸A kana o Irod dikhla e Isuse, zurale raduisajlo kaj dumut već lija te dićheles zbog okova kaj ašundas pale leste, thaj nadisajlo kaj lestar dićhela varesosko čudo.

⁹Thaj but phučlas e Isuse, ali vo khanči či phendas lešće.

¹⁰A e šorvale rašaja thaj e sikavne e Mojsiješće zakonestar ačhenas, thaj žestoko prnas les.

¹¹O Irod zajedno pire vojnikonenca marda muj lestar. Dijas pe leste sjajne haljine thaj bičhalda le palpale ko Pilato.

¹²Godova đes o Irod thaj o Pilato pomirisajle kaj sas majsigo dušmaja.

¹³O Pilato akhardas e šorvale rašajen, e vođen thaj e themes

¹⁴thaj phendas lenđe: “Andine manđe akale manušes e optužbava kaj vo poticil e themes pe buna. Me ake phučhav les angle tumende thaj či arakhlem ni jek doš pe leste pale savi prn les.

¹⁵A či arakhla e doš pe leste, ni o Irod thaj zato bičhaldales pale mende. Ake, vo či ćerda khanči sova zaslužisardas smrto.

¹⁶Zato bičuiva les thaj askal mukavales.

¹⁸A sa o them ande jek glaso čhutas muj alavenca: “Mudar les a muk amenđe e Varava!”

¹⁹(O Varava sas ande tamnica kaj mudardas, thaj kaj vazdas e buna ando Jerusalim.)

²⁰O Pilato probisardas te odgovoril len kaj kamlas te mućel e Isuses.

²¹Ali o them čhonas muj: “Razapniles! Razapniles!”

²²Phučlalen o Pilato trin drom: “Ali savo zločino vo ćerdas? Me khanči či arakhav pe leste sova zaslužisardasas smrto. Zato išibiva les thaj mukava les.”

²³A o them čholas muj thaj navalinas te razapnilpes o Isus. Thaj lenđe glasurja prevladisardine.

²⁴O Pilato presudisarda te udovoljil lenđe.

²⁵Thaj muklas o kole savo sas čhudino ando phanglipe zbog e pobuna thaj zbog o mudaripe, a e Isuse dijas lenđe pe volja.

²⁶Dok inđarenas e Isuse, astardine varesave Simone andar e Kirinija, savo boldelas pes andar e o polje thaj čhutine pe leste o trušul te inđarel les palo Isus.

²⁷Pale Isus džalas o but them, thaj e romnja save rovenas thaj kukinas pale leste.

²⁸O Isus boldape lende thaj phendas lenđe: “Manušnjalen andar o Jerusalim, na roven pe mande, nego roven pe tumende thaj pe tumare čhavra.

²⁹Kaj ake aven e đesa kana phenelapes: “Blago e nerotkinjenđe. Blago e điješće savo či bijanda thaj e čučenđe save či pravardine.”

³⁰Askal e manuša molina e gore te peren pe lende thaj e bregonen te učharen len.

³¹Kaj ako gajda ćerelpe e zelene kaštenca, so ćerelapes e šućeja?”

³²E Isusesa po mudaripe inđarenas vi aver duj zločinconen.

³³Kana aviline po than savo akhardolas Lubanja, okote razapnisardine e Isuse a lesa vi godole zločinconen, jećhe pe lešći desno rig, a avre pe lešći levo rig.

³⁴A o Isus phenelas: “Jarosar lenđe, Dade, kaj či džanen so ćeren!” Pale godova e vojnikurja čhudine e kocka thaj gajda podelisardine maškar peste lešće drze.

³⁵O them ačhelas okote thaj dićhelas, a e verske vođe marenas lestar muj alavenca: “Averen spasisardas, neka akana spasisarel korkoro pes ako si vo čačes o Hristo e Devlesko, izabraniko!”

³⁶Vi e vojnikurja marenas muj lestar, avenas paše leste thaj nudinas les e mol savi sas pomešime e šuteja

³⁷thaj phenenas: “Ako san tu o caro e židovengo, spasisar korkoro tut!”

³⁸A iznad lesko šoro čhutine vi natpiso pe savo ramolas: “Akava si o caro e jevrejengo.”

³⁹Jek katar e razapnime zločincurja vređolas les alavenca: “Najsan li tu o Hristo? Pa spasisar tut thaj vi amen!”

⁴⁰Askal aver phendas: “Zar či daras e Devlestar? Trpis isto kazna sago vi vo?

⁴¹Ali pravedno si te amen trpisaras kaj primisardam so zaslužisardam amare trajosa, a akava manuš khanči bilačhe či ćerdas.”

⁴²Askal phendas: “Isuse, kana počnija te vladis sago caro, gndisar pe mande thaj av manđe milostivo.”

⁴³A o Isus phendas lešće: “Čačes phenav tuće: ađes aveja manca ando rajo!”

⁴⁴Kana već avilo o mismeri, pe sasti phuv nastanisardas o tunjariko thaj trailas džike o trito sato mismere,

⁴⁵kaj o kham pomračisajlo. A e hramošće firanglje pharadile pe opaš.

⁴⁶A o Isus još jekhvar čhutas muj andar sasto glaso: “Dade, ande ćire vas predaisarav mungro duho!” Godova phendas, thaj izdahnisarda thaj mulo.

⁴⁷Kana o rimsko stotniko dikhlas so dogodisajlo, ačhilo te slavil e Devle: “Akava manuš sas čačes pravedniko!”

⁴⁸Nakon godova sa o them savo ćidape te dićhel godova prizor dikhline so sas, boldenaspe ćhere thaj marenaspe katar e tuga ando kolin.