Luka 1:21-77

²¹A o them ažućarelas avri e Zaharija, thaj začudisajle so gaći zadržisajlo ando svetište e Hramosko.

²²A kana napokon inljisto, naštik ćerelas svato, nego e znakonenca probisardas te phenel lenđe so sas ando Hramo, thaj von haćardine kaj sas les viđenje ando svetište e Hramosko.

²³Thaj kana završisajle e đesa lešće službaće ando hramo o Zaharije đelotar ćhere.

²⁴A posle godola đesa lešći romnji e Jelisaveta ačili khamni, thaj pandž čhon či inkljelas avri andar piro ćher thaj motholas:

²⁵“O Gospod milostivo dikhlas pe mande kaj fuljardas mandar o ladžavo anglo them.”

²⁶Kana e Jelisaveta sas khamni šov čhon, o Del bičhaldas e anđele Gavrilo ando cikno Galilejsko gav savo akhardolas Nazaret

²⁷ke Marija savi sas još čhej thaj sas mangli palo manuš, savesko alav sas Josif. Vo sas potomko e carosko Davidosko.

²⁸Kana o anđeo dijas late andre phendas laće: “Raduisar tu, kaj o Del si pherdo milosti prema tute! O Gospod si tusa.”

²⁹Pe godola alava e Marija uznemirisajli thaj počnisarda te gndil so značisarel godova pozdravo.

³⁰A o anđeo phendas laće: “Na dara Marija! Kaj o Del iskažisardas tuće piri ljubav.”

³¹Ake ačheja khamni, thaj bijaneja čhave saves deja alav Isus.

³²Vo avela baro, thaj akhardola Čhavo e Majbaresko, thaj o Gospod Del delales autoriteto te vladil sago o caro David savo sas lesko prapapo.

³³Vo vladila e Jakovešće plemenova dži ko veko, thaj lešće carstvošće či avela krajo.

³⁴A e Marija phendas e anđelošće: “Sar godova avela kana sem me još čhej?”

³⁵A o anđeo phendas laće: “O Sveto Duho fuljela pe tute, thaj e Sila e Majbare Devlešći avela pe tute thaj zasenila tut. Zato vi okova savo bijandola avela sveto, thaj akhardola o Čhavo e Devlesko.

³⁶Ake vi ćiri bibi e Jelisaveta, ačhili khamni ande piri purani vrjama, čhavo avela lat. Okoja isto manušnji pale savi phenenas kaj naštik avelat čhavra već si šov čhon khamni!

³⁷Kaj e Devlešće khanči naj nemoguće!”

³⁸A e Marija phendas lešće: “Ake, sluškinja sem e Gospodešći. Neka avel manđe pe ćire alava.” Thaj o anđeo đelotar latar.

³⁹Ande okola đesa e Marija spremisajli thaj sigo uputisajli ando gorsko krajo e Judejako.

⁴⁰Kana aresli okote dija ande Zaharijasko ćher, thaj pozdravisajli e Jelisavetava.

⁴¹Kana e Jelisaveta ašunda e Marijako pozdrav, o čhavro huklo ando lako đi, a e Jelisaveta pherdili e Sveto Duhosa.

⁴²Pale godova e bahtatar čhutas muj e bare glasosa: “Maj blagoslovime san tu Marijo katar sa e manušnja, thaj blagoslovime o čhavro ande ćiro đi.

⁴³Savi čast siman, te tu e dej mungre Gospodešći aves mande!

⁴⁴Kaj ake čim o pozdrav ćiro avilo džike mungre kan, e bahtatar o čhavro huklas ande mungro đi.

⁴⁵Blago tuće kaj paćajan kaj pherdola okova so phendas tuće o Gospod!”

⁴⁶E Marija askal phendas: “Barjarel e duša mungri e Gospode!

⁴⁷Thaj raduilpe o duho mungro e Devlešće mungre Spasitelješće.

⁴⁸Kaj milostivo dikhla pe mande piri ponizno sluškinja, thaj katar akana sa e manuša akharena man blagoslovime.

⁴⁹Kaj o silno Del, savesko si alav sveto, ćerdas manđe baro lačhipe.

⁵⁰Kaj o Del si milostivo; e milost lešći si katar e čang dži ke čang okolenđe save daran lestar.

⁵¹Pire moćno vastesa ćerel silne dela thaj odbacisardas pestar okolen save si barikane ande pire ile.

⁵²Čhudas tele katar o prestolje e vladaren, a vazdas e poniznonen.

⁵³E bokhalen čaljarda e lačipeja, a e barvalen mukla čuče vastenca.

⁵⁴Huklo ando pomoć pire slugenđe e Izraelconenđe thaj či bistardas te avel milostivo

⁵⁵sago kaj obećisardas amare pra paponenđe, e Avraamešće thaj lešće potomkonenđe dži ko veko.

⁵⁶E Marija ačhili ke Jelisaveta varekaj katar trin čhon, a askal boldapes ćhere.

⁵⁷A e Jelisavetaće avili e vrjama te bijanel thaj bijanda čhaves.

⁵⁸Kana ašundine laće komšije thaj laći familija kaj o Gospod sas gajda lačho thaj milostivo prema late, raduisale zajedno lasa.

⁵⁹A kana e čhavres sas ohto đes o them ćidape po obredo te obrezin e čhavre. Thaj line te denle alav Zaharija sago kaj bučhol lesko dad.

⁶⁰Ali e Jelisaveta phendas: “Na! lesko alava avela Jovano!”

⁶¹A von phendine laće: “Pa khonik ande ćiri familija či bučhol gajda.”

⁶²Zato e znakonenca phučline e čhavrešće dades sar vo kamel te den e čhavres alav.

⁶³O Zaharija manglas e pločica pe savi ramolas pe thaj ramosardas: “Jovano si lesko alav.” Thaj savora začudisajle.

⁶⁴Thaj odma o Del putardas lesko muj thaj oslobodisardas lešći čhib thaj o Zaharija počnisardas te ćerel svato thaj te slavil e Devle.

⁶⁵A e Devlešći dar lija sa lenđe komšijen po gorsko krajo e Judejako, thaj ćerelas pes svato pale akala događaja.

⁶⁶Thaj savora save ašundine pale akala događaja, gndinas thaj phučenas pes ande peste: “So avela katar akava čhavro? Čačes si o vas e Gospodesko pe leste.”

⁶⁷O Zaharije, o dad e čhavresko, pherdilo e Sveto Duhosa, thaj prorokuisardas alavenca:

⁶⁸“Blagoslovime o Gospod Del e Izraelosko kaj avilo thaj izbavisarda pire theme!

⁶⁹Vazdas amenđe silno spasitelje andar o potomstvo pire slugasko e Davidesko,

⁷⁰sago kaj dumut obećisardas po muj pire svete prorokonengo

⁷¹kaj izbavila men katar amare dušmaja thaj andar e vas savorenđe save mrzana men.

⁷²Sas milostivo amare pra paponenđe thaj održil piro sveto savezo,

⁷³e solah savi dija e Avraamešće amare pra papošće.

⁷⁴Izbavisarda men andar amare dušmajenđe vas, te šaj služisaras lešće bi darako,

⁷⁵ando svetost thaj ande pravda angle leste dokle god sam džude.

⁷⁶Aj tu, Jovane čhaveja mungreja, akhardoja proroko e Majbare Devlesko kaj džaja anglo Gospod te lačhares lesko drom.

⁷⁷Sikaveja e Devlešće theme sar te pindžaren o spasenje kroz o jartipe lenđe bezehendar.