Luke 1:21-77

²¹Ndji ba basiya gben Zakariya ndana rju na. Ba tie mamaki ni wu ton me nimi koh Irji.

²²Wa a rju ye niba, a tre wakran. Ba kri rhimmre ndi a to kpe ni mi koh Irji. A si tindu tsoro ba niwo, ama ndana tre na.

²³Ni-andi nton wu tindu ma a kle, a kma hi ni Kohma

²⁴Ni vi ba kii, iwama Alisabatu a hwrji-nne wu wha ton ndana du ndji du ba toh na. A tre ndi,

²⁵ngye kpe wandi Bachi mu tie ni mu nda yame ni lo suron nda chu shan rju ni mu ni shishi ndji.

²⁶Ni wha wu tanne, Irji a ton Maleka Gabriel hi ni gbu Galilee wandi ba yo ndi Nazareth,

²⁷du hi ni Maryamu, ih'pu Dawuda, wandi ba na haa zi ni ndi ri ni nde Yusufu. Maryamu ana rhi he toh lilon ni son ma.

²⁸A ye tre ni wu ndi, “Mi chiwu, wu wandi ba kpa nyime ni wu gra, Bachi he ni wu.

²⁹Itre a kpau tsi shishi, wa kma rhimmre nitu bibi ichi wandi a chiwu'a

³⁰Maleka a hla ni wu “Na tie sissri na, Maryamu, Irji a kma yawu ni lo suron.

³¹Ya yi, wu hwrji-nne ni ngrji vren. Wu yo ndema ndi Yesu.

³²Ani khikle ndji, ba yo vren khikle'a Bachi u shulu. Bachi Irji ni nuu tu chu bachi ma Dawuda.

³³Ani tie mulki wandi a na kle na nitu koh Yakubu, i ngbungblu wandi ani son nitu mba bana kle na.

³⁴Maryamu a hla ni Maleka, ikpe yi ni tie ni he nda wrhu to tre me. Ime mi rhihe wu toh lilon ni son mu.

³⁵Maleka a sa niwu ndi, “ Ruhu Tsatsra ni ku ni tume i gbengble Irji wu shulu ni kasuu. Vren Tsatsra wandi wu ngrji ba yow ndi Vivren Irji.

³⁶Toh, imlame Alisabatu a he ni nne vivren lilon ngame ni chichema. U wha ma wu tanne yi - wawu wandi bana tre ndi ana ngrji na.

³⁷Ekpe na ne wandi Irji na toh tie na.”

³⁸Maryamu a tre ndi, “toh, Bachi mu, mi vren wa wu ndume. Tie ni mu tsra ni kpeu wu hla'a.” Maleka a lu hi kpama nda don me.

³⁹Maryamu a lu lunde ni vi baki nda sima hi ni gbu bi ko tu-ngblu ba, ni gbu wu Judea.

⁴⁰A ka rhi ni koh Zakariya nda chi Alisabatu.

⁴¹Ni wandi Alisabatu wo chi wu Maryamu'a, kpran vren wandi a he ni nnema a luza i Ruhu Tsatsra a lu rhi ni Alisabatu

⁴²A lu ni khikle lan nda tre gbangban ndi “lulu he nitu me, ni mi mba, mba ni ibi wu mi nne me.

⁴³Nge tie ndu dun bachi mu dun ye ni me?

⁴⁴Ni wandi lan tre chi me a rhi ni nton mu, vi kpran vren wandi a he nimi nnemu a lu zah wu ngyiri.

⁴⁵A tie lulu ni wu wandi a kpanyme ndi ikpi biwandi Bachi Irji a dun be blah niwu ba wrhu to ki.

⁴⁶Maryamu a tre ndi “suron mu ni ngyiri ni Irji Bachi.”

⁴⁷Ie drimu ni ngyiri kpukpome ni Irji wandi a kpame chuwo.

⁴⁸A kma iyanchi vivren wa wu tindu ma. Ya, Irji zizan ikba ndi kankan ba tie lulu nimu.

⁴⁹Wawuyi a tie khikle ndu nimu, indu ma hi tsatsra.

⁵⁰Lo suron ni wruhle ma ni ha ikba hi ni ikba wu bi andi ba klu sissri ma'a.

⁵¹A chu ngbengble ni ngba woma tsro, nda vra bi nzutu ni tu mre wu suron mba.

⁵²A gbran mri bi tu chu grji ni bubu son mba, nda nzu biwandi bana he nitu kpe na lu.

⁵³A juu bi iyon ni ikpi bi ndindi nda zu bi iwu du ba hi hamani kpe.

⁵⁴A zo Israila, mri u ndu ma, ni duba rhimre nda wruhle

⁵⁵(na wandi a tre niba timba) ni Ibrahim baba ih'pu ma kase kase.

⁵⁶Maryamu ason mla u wha tra ni Alisabatu rhi nda kma hi ni koma.

⁵⁷Nton ngrji Alisabatu a tie, waa a ngrji vren ma, vren lon.

⁵⁸kpukpan son ma baba mlah ma ba wo khikle kpe ndi Bachi Irji tie, ni lo suron ma niwu, nda ngrji ni wu.

⁵⁹A he niki, ni viwu tandra, ba ye bubu gyen mbru ni vivren'a. Ba ta zinde tima Zakariya niwu.

⁶⁰Iyhima a sa bawu ndi, “Aian, nde ma nih Yohana.”

⁶¹Ba hla niwu ndi “bi na he ni mla mbi rhi ni nde mba na.”

⁶²Ba tre ni wo ni tima ndi do hla nde wa ba yo vren'a.

⁶³Tima a mye duba nu igble wu nha, wa nha ndi, “ndema hi Yohana.” Ndji ba wawu mba ba tie sissri (mamaki).

⁶⁴Nhuma a kri bwu hari (immediately) i nl'pma a si, wa a tre nda ngyiri ni Irji.

⁶⁵Sissri a vu ndji bi wandi bana hye ba ba. Ba vu tre kpi bi yi zren ka gon ngblu ngbugblu Judea.

⁶⁶Wawu ndji biya ba wo'a, ba yo zi ni suron nda tre “i vren yi ni hye ni he?” Nitu woh Irji a he niwu.

⁶⁷Tima Zakariya, shu ni Ruhu tsatsra, hla ikpe andi ni he'a

⁶⁸“nda tre ndi gbresan ni Bachi, Irji wu Israila, wawu yi a ye zo nda khle ndu kpa-chuwo ni ndji ma.

⁶⁹A nzu njon kpata chuwo ni tawu ni koh ndji wu nduma Dawuda,

⁷⁰me andi a tre ni nhyu tsatsra anabi rhi ni sen.

⁷¹kpatachuwo rju ni wo bi yota ni shishi mba ni wo bi-andi ba kamba nita.

⁷²Ani tie toki nitu do tsro ta lo suron ma mba timbu, niki rhimre ni tsatsra yo nhyu,

⁷³ni shirji ni trema ni Ibrahim, bachi mbu.

⁷⁴A shirji ndi a ni nuta biwandi a chuta chuwo ni bi kamba nita, ikini tindu niwu hama ni sissri,

⁷⁵ni tsatsra ti bi, ni shishima wawu ni vrevre mbu.

⁷⁶A wu vivren ba yo'u ndi anabi wu Bachi Khikle ni shulu, wuhi kri ni shishi Bachi ni mla nkoma ti nda mla ndji tie ni ye ma,

⁷⁷nda nu ta to kpe wu kpachuwo ni ndji ma, ni kpa wruhle lahtre mba.