Luka 1:18-43

¹⁸Thaj vačarda o Zaharija e melekose: “Pal soste me gova ka đanav? Golese kaj sem purano thaj mi romni si bute beršenđi.”

¹⁹Thaj phenda e Zaharijase o meleko: “Me sem o Gavrilo savo ačhav anglo Dol. Bičhaldo sem te vačarav tuče kava lačho lafi.

²⁰Thaj ak, golese so ni pačajan me lafura ka ave laloro thaj ni ka vačare đi gova đive đi kaj sa gova ni avol, thaj me lafura ka pherdon.”

²¹Thaj avral e manuša ađučarde e Zaharija, thaj čudisajle sose gači majisajlo ano sveto than e Hrameso.

²²A kana iklilo o Zaharija naštine te vačarol. Vov dija len znakura golese kaj sasa laloro, thaj e manuša haljarde kaj diklja dičhipe đi kaj sasa ano sveto than e Hrameso.

²³Thaj kana nakhle e đivesa tar leso kandipe ano Hramo o Zaharija đelo čhere.

²⁴A pale kala đivesa ačhili khamni i Jelisaveta lesi romni, thaj ni iklili avral panđ čhon thaj vačarda:

²⁵“Gija čerda manđe o Rajo ane kala đive kaj pelo lese žal manđe! Uljarda mandar kaja lađ kaj ni sasa ma čhave.”

²⁶A kana i Jelisaveta sasa šovto čhon khamni o Dol bičhalda e meleko e Gavrilo ano cikno foro Nazaret ani Galileja.

²⁷Ki jekh čhej Marija savi sasa mangli romese e Josifese savo sasa tari kuštik e carosi e Davidesi.

²⁸Thaj avilo late o meleko o Gavrilo thaj phenda: “Av radosno, so arakljan milost. O Rajo si tusa. Blagoslovimi san maškare đuvlja!”

²⁹A voj kaj dikhlja e meleko darajli tare lafura lese thaj dija gođi savo sasa kava pozdrav?

³⁰Thaj phenda lače o meleko: “Ma dara, Marije! Golese kaj arakljan milost anglo Dol.

³¹Ak, ka ačhe khamni, thaj ka bijane čhave, thaj ka dele alav Isus.

³²Vov ka avol baro, ka akhardol Čhavo Embareso, thaj ka dole o Rajo o Dol autoritet te vladil sar caro, sar o David tar lesi kuštik so čerda.

³³Thaj ka caruil ane kuštika e Jakovese sa e đivesa, thaj lese carstvose ni ka avol krajo.

³⁴A i Marija pučlja e meleko: “Sar ka avol gova kana sem me vađi čhej?”

³⁵Thaj vačarda lače o meleko o Gavrilo: “O Dux Sveti ka avol pe tute, thaj o Zuralipe e Embareso ka učharol tut. Golese kaj gova so ka bijandol ka avol sveto, thaj ka akhardol Čhavo e Devleso.

³⁶Thaj ak, ći bibi thaj voj ačhili khamni ane purane berša i ka bijanol murše. Thaj voj savi naštine ačhol khamni, akana si šov čhon khamni.

³⁷Golese kaj o Dol šaj sa so phenol!”

³⁸A i Marija phenda: “Ake i me sem sluškinja e Rajosi. Nek avol palo ćo lafi!” Thaj o meleko đelo latar.

³⁹A i Marija pale gola đivesa spremisajli thaj siđarda ani bregali phuv ano foro e Judejako.

⁴⁰Kana resli odori, đeli ano čher e Zaharijaso, thaj pozdravisajli e Jelisavetasa.

⁴¹Thaj kana i Jelisaveta šunda o pozdrav e Marijako, čhelda o čhavo ane lako đi, thaj i Jelisaveta pherdili Sveto Duxo.

⁴²Thaj dija vika thaj vačarda e Marijaće: “Em but san blagoslovimi maškare sa e đuvlja, thaj blagoslovimo o čhavo an ćiro đi.

⁴³Kotar manđe kava čast kaj tu i dej me Rajosi aviljan ke mande!