Luka 18:8-14

⁸Aricne, e jume mi ʒoraha batarac‐jopaocmu. Ŋic Fâri Wâtuŋne e juku mocwâc fisirâ mâreŋko mamanasiŋ bâfuaocmu me?”

⁹Ŋic gâcne jaŋacne manapie tiŋne eha âgofâc‐jeŋic mana wahac‐jopambiŋ jaŋere qâqiŋdâŋ moc ʒiŋuc muwec:

¹⁰“Ŋic jajahec taha ufuŋko ferâ numupic. Moc e farisaio â moc e takesi roro.

¹¹Farisaio e hâŋ domahuc e jahacnere ʒiŋuc manasuhuc numuwec: ‘O Anutu, ŋic gâcne jaŋe ʒika qaeŋgopieŋ, fiuc serereŋ eeŋgopieŋ, sasec mamakâc eeŋgopieŋ. No jaŋe iŋucne mâcne, me takesi roro kecocni e iŋucne wâc mâcne. Eme no irec hâcne daŋge gazakopac.

¹²No Sonda sâc irec gie bapa jajahec sowa juekopac â moneŋ mafa hurerâ teŋkonec wâŋte sâc mitire biŋe qaekopac.’

¹³Takesi roro eki ine tuturuŋko domahuc fime feocte mimierâ menezi amecne bofackehuc ʒiŋuc numuwec: ‘O Anutu, ŋic sâqocne no mi mac behecnuzemec.’

¹⁴Manaŋgopieŋ, takesi roro e Anutuzi kiŋticne behecne‐fâreme ficticnao risiewec, farisaio e ine focnewec. Moc e jahacne maŋte feme Anutuzi bawahaocmu, â moc e jahacne maŋte wahame Anutuzi bafeocmu.”