Luk 5:29-36

²⁹Numur o Liwai i pam a labino inangon un o Iesu una nun a rumu. A susut na tene los takis ma ara taro kai det kis tomo nam o Iesu una inangon ra.

³⁰Ikut a kum Parisi tomo nam anundet a kum tene ususer tagun a Warkurai, det pukus anun a kum nat na ususer ra det watungi lena, “Sur asau ra mot wangon ma mot inum tomo nama kum tene los takis ma a kum tene sakino?”

³¹O Iesu i balu det lena, “A dokta ke wanpat sur det ra det langolango. Awu! I wanpat sur det kut ra det misait.

³²Ka wanpat sur an kabo pas a kum tene tokodos, awu! A wanpat sur an kabo pas a kum tene sakino sur det in nukpukus.”

³³Ara taro det watungi tan o Iesu lena, “A kum nat na ususer anun o Jon det ser wewel ma det ser wararing, ma lenkutkai lar a kum nat na ususer anun a kum Parisi. Ikut anum a kum nat na ususer det wangon ma det inum kut.”

³⁴O Iesu i balu det lena, “A kum paspasan a musano ra i nolin matok, det in wewel pepetlai, ra kura utmakai i tomo nam det?

³⁵Ikut tu bung in nanpat, ra din ben ru i gusun det. Una kum bung ra, det in wewel maragom.”

³⁶O Iesu i watungi kai ara wasiso elelar tandet lenri, “Katutaio in raros pas tu du malu tagun in matok na malu, sur in mabon tomo tari namin turai na malu. Ra in pami lenra, in raros laulau ru in matok na malu, ma a du matokino ka der in tamtama elar nama du turaino.