Lucas 23:29-45

²⁹¡Bkenzha gu! Zhin tub mbizh gorna yé gu: “Nyakdoola re me nit, nu noka nyakdoola re me nik tub welt zer zaa nizh go mad”.

³⁰Zee zelo re me yé me lo re yi: “Bla tich re nu”. Nu noka yé re me lo re yi: “Sebyo nu”.

³¹Chelee snee le xaa lo tub yag naye, nakapra le xaa lo tub yag mbizhla.

³²Nu noka mbe xaa chop xaa nakap zee gut xaa xaa tubka kwaan Jesús.

³³Gorna mzhin re xaa pa nii xaa “Zhit Yek Xaa”, zee lee re soldad mkee Jesús lo krus, nu noka mkee xaa rop xaa nakap lo krus; tub xaa mkee xaa lad li lo Jesús nu stub xaa mkee xaa lad rebes lo Jesús.

³⁴Zee lee Jesús nzhé: —Xuz na, chee jwalt kwaan kale re xaa ne, nel nanet xaa cho kwaan kale xaa. Nu mloo re xaa swert nen cho xaa le gan xab xaa, zee nen cho kwaan yizo kad tub xaa.

³⁵Nu dub welt lo xaa nzhi re myet ngwii. Nu lo re xaa baa nzhi re xaa non, nu nxizhno re xaa Jesús nu mbezh re xaa: —Nanlaat lu yet stub xaa, per chozhiin nyent mod sela lu leeka lu lo krus. Né lu lee lu nak Crist, Xaa Mxaal Dios Nabeyy lo re nu.

³⁶Nu noka re soldad mxizhno Jesús. Nu nzhazaa xaa xis ub kwaan nala go Jesús.

³⁷Zee nzhé re soldad lo xaa: —Chol lu nak Rey cheen re xaa Israel, bla lo krus.

³⁸Lee letr kwaana mkee xaa yek xkrus xaa nzhé: “REY CHEEN RE XAA ISRAEL”.

³⁹Zee lee tub xaa nakap nkee xkwes Jesús lo krus, ngunii re wdizh nawent lo Jesús, nu nzhé xaa: —Chol nak lu Xaa Mxaal Dios Nabeyy, bla lu leeka lu lo krus, nu bla nu lo krus.

⁴⁰Per lee stub xaa mkee lo krus, xaa mle kwaan nakap, mgalno xaa wechxinn xaa, xaa nzhé kwaan nawent lo Jesús, nu nzhé xaa lo wechxinn xaa: —¿Chozhiin nanzhebt lu ne lu Dios? Yon be lal kaded bid.

⁴¹Nu nzhaal ded rop be bid nel mle be re kwaan nawent, per lee xaa ne nik tub kwaan nawent namlet.

⁴²Zee nzhé xaa lo Jesús: —Xaa Nabeyy, bselazh na gorna zhin lu pa nabeyy lu.

⁴³Jesús nzhé lo xaa: —Wlipa na nii na lo lu, leeka nalzhe zo lu kwaan na lo Lach Chul cheen na.

⁴⁴Kan rolta mbizh dubse yizhyo mla yalnakaw axta las tres mzhel yizhyo.

⁴⁵Nu lee mbizh namzaatra xni. Nu lee ler kwaan nyaaw roo Pa Nambey Doo leen yidoo ngok chop lee.