Lucangundru 24:30-49

³⁰Ja jendranguta Nau pudlangunto matja ngamana ngarina Nulu buka patana wonti ja nina ngurungutana wonti ja wokaribana wonti ja pudlangu jinkina wonti.

³¹Pudla milki piririna wonti, ja pudlali nina ngujamana Wonti; ja Nau pudlangundru kutingana wonti.

³²Ja pudla ngankamalina wonti: “Wata ngaldra ngara jerkina warai, worderu Nulu paltuni ngaldrangu kaukaubana warai ja worderu Nulu ngaldrangu jaura worana mildiri ngankana warai?”

³³Ja pudla nunkangupini ditjini jiritjina wonti ja Jerusalemia tikana karitjina wonti; ja pudlali marapratjana ja kulno ja tanana tanangunto matja jurborina, mankamankana wonti.

³⁴Ja tana jatana wonti: “Kapara morlalu jintjma warai h Simoningu wondraterina warai!”

³⁵Ja pudlali kaukaubana wonti mina paltuni matja pantjina, ja worderu pudlali nina ngujamana warai buka wokari-banani.

³⁶Tana jenia kaukaubijiribamalinani Jesus munta tanangu terti terkana wonti ja tanangu jatana wonti: “Murla jurangunto nganaiatimai!”

³⁷Tana ngarrana wonti ja japali pirna pantjina wonti, ja tanali ngundrana wonti, tanali jaola najiai.

³⁸Ja Nau tanangu jatana wonti: “Minandru jura japali pirna nganai; ja minandru ngarali juranali mangangankana jiritjiai?

³⁹Ngana mara ja ngana tidna najianau, ngani munta Nauja nganai; ngana karakaranau ja najianau, ngangau jaolali wata palku ja moku ngamalkai, worderu jura najiai ngato ngamalkanani.”

⁴⁰Ja Nau jenia matja jatana, Nau mara ja tidna tanangu wondraterina wonti.

⁴¹Ngangau tanali mankinandru wata morlalu ngundrana wonti ja ngaruparana wonti, Nau tanangu jatana wonti: “Jura ninkida palpa ngamalkai tajinanto?”

⁴²Tanali nunkangu paru burn kulno, matja wajina, ja pitjambu jinkina wonti,

⁴³Ja Nulu nina patana wonti ja tanangu milkini tajina wonti.

⁴⁴Nau tanangu jatana wonti: “Tanapini jaura ngakani nganai, tananaia ngato jurangu kaukaubanala ngani jurangunto nganana, ngangau pratjana morlalu pantjinanto mina. Mosini jirijiribani jaurani ja Prophetani ja wima jaurani ngakangundru dakanala parai.”

⁴⁵Ngadani Nulu tjuru tanani piri ngankana wonti jaura worana ngujamananto.

⁴⁶Ja Nau tanangu jatana wonti: “Jeruja dakanala paraj ja jeruja Christus ketjaketjananto, ja ditjini parkulani tjinanto.

⁴⁷Ngangau tanali talani nunkanani madlentjandru karitjina ja madlentji kalingana kanani warupotuni kaukaubanantn ja Jerusalemingu woninanto.

⁴⁸Jura jenia pratjanandru morlalu kuranietja nganai.

⁴⁹Ja mai, ngato jurangu Ngaperaia ngakanaia talpada-kanila jinpala nganai; Jerusalem ngurani ngamanau, jura ngurula mirindru widmaterilalu.”